[لواء العز]

المشاركة الأصلية كتبت بواسطة انثى الجزيره   السلام عليكم صباح الخير اخي لواء العز واخي رحال ! موضوع سيزداد النقاش فيه ، منهم المؤييد ومنهم المعارض افترضنا شافني وشفته شوفه شرعيه عاديه ! مثل محل البوفيه بس شفت شكله ومبعد اكلت منه ! انا تزوجت الآن الشخص اللي شافني ع اساس انه ماعليه كلام دامه عاقل بيسعدك ! هل انا عرفت جواة قلبه اذا هو مناسب لي ام لا ، او عقله الفكري او يستحق الزواج مني ! انت ي رحال كأنك تقول الشوفه تكفي رغم اني ما ايد احد يشوفني ، لانك بالاخر منت متزوج جمالي ! ولا راح تعرف هل انت بترتاح لي او برتاح لك الا بعد الزواج تلاقي احد الطرفين مب متقبل شخص الاخر لان مافيه توافق بالقلوب قبل العقول يا ما ناس تطلقو رغم سلامة كل الطرفين الزواج عندنا اكشط واربح ،وهذا الصدق واذا بتقول لي ان الاولين ماصار بينهم طلاق بلا البنت بذاك الزمن مالها كلمه ان تكلمت جلدوها تذكرت عمتي "عجوز" سألتها ودك يرجع ابو عيالك قالت لا ان شاء الله استرحت منه ، رغم انه ماكان يضربها بس البعض اذا ماحب زوجته مايرضي انوثتها ! بالاخر اعلم ان ردي لم يروق للكثير ولكن فيه ملاحظة:- ليس شرط ان تزوج الرجل من التي يريدها ماراح تصير مشاكل ويطلقها لان التوفيق اولا واخير بيد الله لكن اعرف ناس تزوجو ثانيه و يقول والله الاولى امي اختارتها ، اغلب الشباب مايعجبهم اختيار اهلهم والثانية ابيها على ذوقي وتلاقيه خذ الثانيه ورجوله وقلبه دايم عندها من واقع ما رأيت واللي فهمته ان معارضة رحال كانت بسبب خوفه على دينه لان لو توسعت العلاقات بين الرجل والمرأة لسادت الفتن لكن بستطاعة الشخص ان رغب بفتاة معينه يخطبها ومايعارضون اهله اختياره لانه بيشوف سعادته معها اشكركم على الموضوع الجميل كاتبنا لواء العز ، واستاذي المبدع رحال لا خلا منكم ومن اطروحاتكم

وعليكم السلام ورحمة الله وبركاته
صباح الخير , أهلاً وسهلاً بك
للأسف أخيتي النظرة السائدة في المجتمع هي مادية بحتة إلا من رحم ربي. وأتمنى أن يحترم الناس في وطني الشاب ويحترم الناس في وطني الفتاة ويتقبلون أهمية استقلالهم كلً بشخصيته وتوجهه. ثم أن النظرة الشرعية هي مهمة جداً ولابد أن يرى الخاطب خطيبته بمظهرها العادي وأن ترى الخطيبة خاطبها بمظهره العادي وأن يجري بينهم كلام تحت وصاية الأهل ..
بارك الله فيك انثى الجزيره وأسأل الله أن يوفقك ويرعاك
تحية تليق بكِ وأكثر ..