[يلر]

الله يسامح غيبتك ويش سوّت---عقبك حياتي مع مماتي تساوت

اضعف همومي في غيابك تقوّت--واصغر جروحي بالحشا ماتداوت

ودار بها بسمة محياك ضوّت-------اركانها عقب انقطاعك تهاوت

وذيك الورود اللي بحبك تروّت-----سقايها من غاب قامت تماوت

وقصيدي اللي بالدفاتر تنوّت------وزنه تكسر والمعاني تلاوت

وصفحات فرحي ياحبيبي تطوّت---كن السعاده مع كفوفك تخاوت

يامن غيابك داخل القلب موّت-----نور الشموع اللي بقربك تضاوت

اسمع صدى صوته مع الليل صوّت--وين انت ياخل له الروح آوت

فك الحبال اللي عليّه تلوّت-------وش بالنفوس اللي بعد ما تشاوت.