ياناطح الناصي بصدق التراحيب = ومدلًلة حتى يعدًك هلٍ له
تسلم يابن ناجم مناة الأصاحيب = ماقلت سمً وسقت فنجال دله
العاني وتوف المواجيب = ومنك الضيوف وجيههم مسفهلًه
دلًهتنا ياشوق زين الرعابيب = وكرًمتنا بالدعوه المستقله
لو أن مانبحث وراك بمطاليب = ومقصودنا غيرك مانقدر نزله
لكن نتبك الطيب يامنبع الطيب = وجبرت كسر الخطًر المستعله
ولا يلحقك في الطيب شكٍ ولا ريب = فيكم يابن ناجم يحصًل محله
من ورث عودٍ ورًث الطيب للصيب = حتى اثمر اللي ماتورًثت كله
يفداك جبوٍ ماتنظف من العيب = طوبٍ ع باله يخيل الأهله
يعد نفسه سالم الزير وكليب = ويشح بالمعروف دقه وجله
ولولاي اخاف من الولي عالم الغيب = لا أعلمه شوف النجوم المطله
و أعطيه من لاظي شبوب اللواهيب = ويروح مثل الورده المضمحله