الا ياوقت اضحك لي دخيلك
ياوقت اضحك لي دخيلك خاطري مكسور
دخيلك مابقى فيني محل فيه تطعني
تعبت اداري العالم وحزني داخلي محفور
تعبت اسمع لشكواهم ولا به منهو يسمعني
صبرت وقلت بتحمل ولكن ماهو بالمقدور
أخبي دمعه طاحت على جفني تجرحني
أبي ابكى ابي اصرخ بفجر من دموعي بحور
لان الدنيا ضاقت بي بكثر الصمت يذبحني
ابي احكي ابي اشكي بقول اللي ببالي يدور
ابيهم كلهم يدرون وش اللي حيل محزني
لي قلب امتلا بالجرح وصار الحزن به معمور
وصدر يشتعل نيران لهبها دوم يحرقني
وهموم مالها آخر على راسي تجي بالدور
وأمل ضايع وفرج صاير اناديه ويصد عني
الأياوقت أضحك لي دخيلك خاطري مكسور
دخيلك مامضى يكفي الا ياوقت ارحمني