يا خوي الجنب لا عاد تلحقني ملام--وانت ما تدري وش اللي يشيله منكبي
الخفايا بين حدب الضلوع لها مقام --اكبرمن *دبي* والشارقه* وابوظبي
ماعشقت الصمت واعلنت حربي للكلام
غير ابحفظ قدر وجهي ودقني وشنبي
واهنيك ترقد الليل وعيونك تنام--والا انا يا بري حالي ويا كثر تعبي
كلما وسّدت راسي على ريش النعام
استباحتني همومي وثنيت ركبي
مظمي من هجعة الليل وعيوني حيام--والسهر يرعى عظامي ودمي وعصبي
كن صدري بطن بلجيك وهمومي حزام--والرجا شيب له رسوم في وجه الصبي
ياخوي الجنب بعد التحيه والسلام--اعفني والشرهه تموت في وجه الغبي
والطموح اللي عسف هقوتي عشرين عام
اكبر من *دبي *والشارقه* وابوظبي