شاعر من سدير اجبرته الظروف البعد عنها فقال هذه الابيات
جتني من سدير مراسيل واخبار
وازداد شوقي يوم دقو عليه
قالوا ترى الديره بها سيول وامطار
والبرق يبرق كل صبح وعشية
والنار مشبوبة وقدر على النار
وصفر الدلال مجهزات هنية
وكل النشاما وضيوف زوار
مسبشرين بخير في كل نية
وجلستك بينا يأبن الاخيار
تاخذ وتعطي من علوما نقية
قلت اههه ياحظا رماني بالاقدار
وابعدت عن داري بليا خطية
لو اعتذر مابه مجال للاعتذار
هجرتهاوالهجر غصبا عليه
لاتحسبون اني ليا غبت مختار
لكن ظروفي ياجماعة قوية
======
رد عليه شاعر من سدير مقيم
ياصاح قل للي عن سدير رايح
يرجع يشوف الي عيونه تمناه
يوم الرعد كنه بصيف الروايح
والبرق فيها كنها شبت اضواه
كن الفرات بوادي سدير سايح
من حير ربي نحمد اللي عطاناه