من دون مقدمات كان في الشقه خلودي وحمودي والصلحي و عبيد والدحمي الوقت بعد صلاه العشاء يجي بنص ساعه خلودي جاي من البيت زعلان ( الضاهر مرته لاعنتن خيره ) وحمودي زي العاده من العصر ماغير يفر بالقنوات من كوره الى كوره حتى غدن اذانه تقل دشوش والصلحي توه جاي من المعارض شاري له خردة باص بنات كانت حبيبته( حصه ) تروح عليه المدرسه اول ما تعرف عليها الحاصل بقينا بالدحمي الرجال صافن له يومين عند الدفايه يحتري اللهام يجيه علشان يكمل قصيده وصاحبنا انت يا الـ الهام داقه ركبه ورايح يلهم وحده من الشاعرات هههههههههههههههههههههههههههههه ( حظ نعال ) تكرمون وعبيد بالمطبخ شاب على الفحم و يزبط الشاهي التلقيمه تخصص الحاصل خلودي قاعد يتحلطم ويدعي على اللى زوجه الصلحي مبسوط متشقق ويناقز بالمجلس وعبيد في المطبخ ما درا الا والصوت الجرس حق الشقه يرن تررررررررررررررررررن ترررررررررررررررن عبيد : من عندالباب محد يرد عبيد : من عندالباب ادخل لااتوطى في بطنك الباب مفتوح محد رد المهم مير يجدع عبيد الملاس على حمودي ويصيب الخشم على طول وينقزحمودي وهو يصيح قوووووووووووووووووووووووووووووووووول المهم اول ما فتح الباب حمودي ماسمعو اللا طب طخخخخخخخخخ قررررررررربع مير يطيح حمودي مصفر ( يعني داخ ) خبركم مسيكين ما عمره شاف بنت ترك عبيد اللى بيده على النار وراح ياركض يبي يشوف وش القصه والا يا سبحان الخالق القمر نازل واقف عند باب الشقه وماتسمع اللا يا شبااااااااااااااااب الحقووووووووووووووووووووووووووو تعااااااااااااااااااااااااالوووووووووووووووووووو بسرررررررررررررررررررررررررررررعه بناااااااااااااااااااااااااااااات هههههههههههههههههههههههههههههههههههههههههههههههههه ههه وثر وحده واقفه عند الباب حاطه العبات على الكتف والغطوه خفيقه ولابسه جزمه كوره والبنت مواصفات خليجي يعني مقدمه ابن خلدون وكتاب المغني عن كل هم برجلي والزنود تقل صيخ شاوورما حجم عائلي كل الشباب تجمعو على الباب عاد الله لا يوريكم الصاله صارت مسبح من كثر السعابيل مير ينقز الدحمي من بينهم خبركم راعي الرمنسيات ويقوله تفضلي يا بعد كل منلي انتي يا سيد الكل وهم فاكين خششهم سته بوصه الحاصل البنت دخلت وراحت لـ المجلس ولا قالت كلمه وهم الله لا يوريكم اعلنو حاله استنفار بالشقه اللى راح يكنس واللى ينظف وسراويل السنه والوزر المعلقه على البيبان رفعوهن عشر دقايق بس واللا الشقه ماغير تبالص تقل عروس بيوم عرسه اجل وش تقول عنهم شباب وصخ <ايه هين عبيد راح زين له راس معسل فراوله خاص مع الشاهي التلقيمه وحمودي مسيكين الى الحين مايدري ذي وشي بس هو متاكد انها مهيب ولد خلودي راح وطلع الضب اللى موزيه علشان يكبسون عليه ( شفتو النذاله مهوب لله ) الصلحي راح يدور الضومنه يقاله يبي يسليها ( يعني بعقلكم بنت جايه لشقه شباب تبي تلعب ضومنه ) خخخخخخخخخخخخخخخخخخخخخخخخخخخخخخخخخ الدحمي مسك خط الشرقيه وهات يا شعر غزل ورمنسيات وتغزل والبنيه جالسه ما قالت ولا حرف ولا شالت الغطوه ما غير تهز راسها تقل انتل المهم بعد العشاء قفلت معهم مير يجتمعون كل ابوهم ويتفقون يا تنضبط البنت واللا مع الباب مير يتبرع الصلحي انه هو اللى يكلمه واذا كنتم ما تدرون الولد عليه اصابع الواحدمنه نتقل سندوتش فلافل الصلحي : اسمعي يا هيش القهوه وتقهويتي العشاء وتعشيتي كبسه ضب والمعسل شربتي 7 روس ولا سمعنا صوت ولا شفنا طرف اصبع يا تخلين البساط احمدي يابمفتاح العجل على علباتس مير تقوم وتحط يدها على الغطوه مير ترفعه شوي يوم جت تبي تفصخ الغطوه مير تهون وجت ولقتهم قفاها....... وتفصخ العبات وتلتفت عليهم وايلاهم من يشوفون مير تطلع البنت . . . . . . . . . . . . . . . انزلو بعد شوي . . . . . . . . . . . . . . . . . مير تطلع خويهم الجنط عليان........... بعد ما طردوه من الشقه لانه ماقط معهم بالعشاء يوم الخميس اللى راح .......... و قال اوريكم يا الدببه هههههههههههههههههههههههههههههههههههههههههههههههههه عادي شباب خيرها بغيرها خط جايني في البريد