ســــيد جـــروحـــي
سيد جروحي شمس عمري وظلي
البعد طوّل والخطأ منك واضح
إذا غرورك يمنعك تعتذرلي
تعال جنبي وإبتسم لي وأسامح
تدري أحبك لكن الموت ذلّي
أدوس أنا قلبي لو الشوق جامح
الله عطاك الحظ وأصبحت خلّي
والله عطاني اياك طاغى ملامح
سألتني يا ياسميني وفلّي
ياكيف يشفى الورد والشوك جارح
مثل العيون اللي لها كل كلّي
زايد حلاها لكن الدمع مالح
وش تنتظر يكفي دلال وتغلّي
الوقت ماهو للوصل دوم سانح
مادمت ترحالك ومادمت حلّي
إن صرت أنا خسران ماصرت رابح
لا تعطي الفرصة لعذالنا اللي
لكل ماهو يهدم الحب طامح
مالك صبر عني ومالي تسلّي
والوقت خيل صوب الآجال رامح
سيد جروحي شمس عمري وظلّي
الحب بعد وقرب .. مخطي وصافح
إذا غرورك يمنعك تعتذرلي
لاتعتذرلي قول اسمي وأسامح
.
