أغلى الـدقايق
إن جـيت .. جـيت همــوم ليل وتبـاريح ...وإن رحت رحت دموع ياصعب رجعتـك
ســريتني مــســرا قلوب المجـاريـح ...تحـرث ثرى قلـبي مخـالـيب فجعتك
وهذي دمـــوعك في ثـرى قلبي تطـيـح ...وأخـاف تاصل دمـعـتك راس شمعتك
لا يا بعـد من جــرجــروه الممـــاليح ...مـا هيب هذي يا حـبـيـبـي قناعتك
أدري وتدري والســـوالف مــشــافيح ..ان شـافـتك ظميتك وان رحت جاعتك
مـــا قلت لك لا تشـتـكي النار للـريـح ...مــا قلت لك لا يــدري أحد بلوعتك
البـارحـه ســولف بك الغـيم للشــيخ ...وطارت لك أسراب القـصايد وسمعتك
ولـلـه درك قلـب لـومت تجـــريـح ...طوعت مــا طاوعت وأمليت طاعـتك
ان جـاء لمجنون الدقايق ســوامــيح ...هذا انا أغلى الدقـايق بســاعـــتك
ودافي قـصـيدي من بعض جمر لوعتك..
