الحمد لله على فضله وكرمه هطلت امطار غزيره على منطقة سدير من ليلة البارحه الى مساء هذا اليوم الاحد 28-10-1427 هـ وسالت على اثرها الاودية والشعاب جعلها الله امطار خير وبركه وعم بنفعها سائر بلاد المسلمين .. ما ياكل معي عيش حسن كراني على هالمقدمة .. المهم طلعت اصور في العوده وجاني اتصال من واحد من الربع يقول الامطار على الروضه والتويم وجلاجل طيبه والشعبان تمشي .. فوراً توجهت للتويم وكلمت راعي الاوله عشان يجيب الهمر حقه ونروح نسيل هع هع هع ماودي انزل صورة الهمر مراعاة لمشاعر الاعضاء هع هع المهم رحنا نصور في التويم ولقينا العضو الهدوء حاجره السيل وانقذناه وخذناه معنا في التمشيه وبتشوفون صورته وهو في وسط السيل .. تمشينا في التويم وجلاجل والروضه وصراحه مناظر حلوه وخير عسى الله لا يغيره .. اخليكم مع الصور .. سيول العوده : سيول الروضة : سيول التويم : هذا الهدوء حاجره السيل هع هع سيول جلاجل : سد جلاجل ولازلت السماء ملبده بالغيوم وان شاء الله تستمر الامطار والخيرات وينبت العشب ويطلع الفقع ونسفهل في اجازة الحج ان شاء الله ..