[وارث الطيب]

الشاعر العزيز ابن عمار اشكرك على استجابتك بطرح مالدي من ملاحظات بسيطه لاتقلل من شأن القصيده
ولاشك أننا بتوجيه بعضنا نتطور ونستفيد ولايوجد شاعر لاينتقد ولولا قناعتي بشاعريتك لما انتقدتك


وتفضل ملاحظاتي مع الشكر والتقدير لك


البارحه هلّت من العين .. دمعـات
سبّة فراق اللّي على النفس مشقيـن
سهرت ليل ٍ بالشقـا.. والمعانـات
من لوعتن..وسط الحشا..يا محبين

على الذي عليهم القلـب مـا بـات
هنا ثقل ... ولو قلت < على الذي قلبي من الوجد مابات >
ويونّ ونّات ٍ على الشوق ..سَهرين

كلمة سهرين ... لاتناسب وجاءت فقط لمناسبة القاف و كأنها مغصوبه

شوقي على ذيك الليالي ..المريفات
يارب تجمعنا..على الـود عجليـن .... لأن عجلين كأنك تطلب الجمعه بسرعه ولاتناسب المعنى المراد

وقت ٍ مضى فيه السعـادة مسـرّات
مع ربعي اللـي للشدايـد شديديـن
في ديرة ٍ يِكتب .. لاهلها سجـلاّت
أهل الكرم والجود واهل .. الميادين
واهل النقا واهل العلوم .. المجيدات
تشهد لهم في نجد روس..المعاديـن
واهل السخا والطيب واهل العطيّات
واهل الدلال اللي على النار مركين
ياسدير سبب لي وداعك مصيبـات
يوم الوداع اللي .. يصيب المحبيـن
لاشك ابصبر من شقا الروح والذات
والصبر مفتاح الفرج لو بعد حيـن

فيما سبق ابيات جميله معنى ومبنى

يالله يا للي من عطايـاك جـزلات
ما غيرك اللي من عطاياه جزليـن

بيت ومعنى ركيك خصوصا الشطر الثاني لامعنى له



يا فارج الضيقات وقت المصيبـات
يا عالم ٍٍ ما بالسريرات .. مخفيـن .... نفس الملاحظه السابقه جاءت مغصوبه ولاتناسب المعنى

أدعي عظيم ٍ واتحـرّى الإجابـات
وارجي كريم ٍ..كلنا فيـه راجيـن
يجمع بنا مع رفقة العمـر جمعـات
والوصل يبقى .. بيننا..دوم ٍ متيـن
واختم جواب القلب من جزل الأبيات
على .. نبي ٍ.. وضّح الدرب للعين
الهادي .. اللي قادنا ... للهدايـات
صلات ربي .. عِدة أيـام وسنيـن
واعـداد همّـال المزون..المهـلاّت
على نبي ٍ ثبت الله ... بـه الديـن

وصح قلبك ياابن عمار فقط مالونته هي ملاحظاتي وباقي القصيده جميل