(( قــــمة طـــموحــي ))
ياليـتـنا يـابسـمة القــلب جــيران
الصبح اشوفكـ والمسا والظهيرة
أقسم بربّ الكون ماقول طفشان
وشلون ابطفش وآنا وياكـ جيرة
ياللي سكنتي بين الاضلاع تحنان
ثم استويتي وسْط قلبي أمـــيرة
أمــيرة تلبس داخل القلب تيجـان
تاج الجمال وتاج الأخلاق سيرة
انطق بملء الفم والعب بالأوزان
( لعب البطل زيدان بالمستديره )
شاعر واحوف القاف من دون نقصان
وعندي ذخيره بس ياهي ذخـــيره
اقدر اخلي اسفل القوم شجــعان
والا الشجاع ببـيـت واحد اثيره
ازلزل بحرفي ميادين واوطان
لكني ارحم هالقلوب الفقيره
لو يدري عني عنترة قال سبحان
سبحان رب حروف صارت اسيره
قد قيل منهو يمدح النفس غلطان
وانا ابمدح .. موتوا ياناس غيره
ارجع لروح الروح وآقول ولهان
ولهان كثر امطار ربي الغزيره
ولهان اكتبها انا بكل الألـــــــوان
وارسمها باللوحات رسمه خطيره
مشتاق اسولفلكـ واحاكيكـ من شان
افضفض لقلبكـ همومي الكبيره
انتي جذبتي عالم الانس والجان
ووحدكـ بنيتي بين الاضلاع ديره
لو غبتي عني ثانيه صرت ذبلان
وقلبي تورّم كن فوقه خميره
ماشفت مثلكـ حتى في دار لبنان
والا بالأردن والا شبه الجزيرة
قمة طموحي ابسط ايدي بالأمتان
واقول احبكـ يالعيون المثيره
واعلق قليبي معكـ طول الأزمان
ودايم مصيركـ زي قلبي ومصيره
وان كان قلبكـ يطلب الحين حلفان
هذاني احلف : والله ماريد غيره
-- وسلامتكم --
القصيده جتني على ايميلي وحبيت انقلها لكم