[( عابرة سبيل )]

[align=center]\






بسم الله الرحمن الرحيم
السلام عليكم ورحمة الله وبركاته

مسائكم وصباحكم / ورد / وريحان ...
مع شروق يوم جديد ... بـ فرحة وسعيد
ننثر لكم ... قصائد من روح القصيد .. ونبض المجيد .. بـ همسات مديد
علقت في قلوبنا ... ونبضت بها شفاهنا ... وهمست بها ارواحنا

( افضل قصيـــد ) ... ( ينتظركم لـ تصوتون على أفضـل 3 قصائد )
نالت اعجابكم ... !! ونبضت بها انفسكم ..!!
لــ تنتقل لـــ تميز ... مع حملها وسام افضل قصيد

وبـ ترشيحات / التي قام بها اعضاء اللجنه .. تم الاختيار وبدقه
وحسب الشروط الوارده .. في الموضوع السابق

القصائــــــــــــد كـ الاتي : وماعليكم سوى التصويت لمن يستحق المركز الأول
والثاني والثالث ...... حسب التصويت المرفق بالموضوع
وبالتوفيق للجميـــــع .....

...



اول قصيده لـ شاعر ( ناصر الحنــو)
.. ( آآهات بعـدك )

::

..
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عاهدتني تبقى معي طول الاعمـار=والحين لك كم يوم مبعـد وغايـب
فجأه كذا من دون اي سابق انـذار=تغيب و اوقات المفـارق صعايـب
مدري زعل او هي ظروفك والاقدار=من دون وصلي حالت ابوقت عايب
يادنيتي بُعـدك زلازيـل واعصـار=عاصف وعمري بعدك اصبح خرايب
اصبحت بعدك تايه الفكـر محتـار=والكون حولـي ممتلـي بالغرايـب
كنت احسب ان الحظ ضاحك ولاصار=خاب الرجا بالوقت والظـن خايـب
انشهد ان الوقـت جايـر وغـدار=ياما غدر قلبـي بالاحـزان صايـب
عايش بعمري كـل وقتـي بتذكـار=قربك ونسناس الغـلا لـك هبايـب
اشتقتلك والشوق فاضـح بالانظـار=ونار الوله يمـك حريـق ولهايـب
متى سحاب العمر يكـرم بالامطـار=تروى رياض القلب وانتِ السبايـب
ابرجْعتـك يمـي تغادرنـي امـرار=والوقت يحلا برجعة اغلا الحبايـب [/poem]



اليكم الرابط
http://www.sudeer.com/vb/showthread.php?t=43120



ثاني قصيده لـ شاعر ( ابن عمـــار )
( ذكرتني وقـت ٍ لها الروح تـشـتاق )
::

..

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ســر ياقـلـم واكتـب تـعـابـير مــشــتـاق=واكـتب قــوافي مـن ضـمـيري كـتابه
واكتـب لـنا عـذب القـصايـد والاشـواق=وارسل مع الريـح الهـبوب وسحابه
لـعــيـون تـرفٍ لاجـله الـروح تـنـسـاق=الـغــالي الـمـجـمـول ألــفٍ هــلا بـه
قــلّـه ســلامــك داخــل الـقـلـب خــفـاق=يوم أرسـله مع شـوقـه اللي مضى به
أقـبل رســوله يـحـمـل الـشـوق بارفـاق=والـقـلـب مـني بالخــفـوق ألـتـوى به
ياصـاحـبي بالـحـيـل بالـحـيـل شـفـّاق=أشـفـق عـلى حــب ٍ تـجـدد .. صـوابه
طـلّـت جـبـيـنك كـنها شـمـس الاشـراق=والاّ كـمـا ضي الـقــمـر .. في نـصابه
وللعـين سِـحر ٍ أنتـشى وسـط الأعـماق=وابـحـرت مع طـيـف ٍ خـذاني سـرابه
والـخـد نـور ٍ في دجـى اللــيل بــرّاق=يكشـف سنا خـديه نـور ٍ .. ضــوى به
ذكـرتـني وقـت ٍ لـهـا الـروح تــشـتـاق=وقت ٍ عـلى عهـد الصـبا .. واسفى به
وقت ٍ طـوى صـفحات الأيـام بوراق=يــوم الـهـوى ..عـندي وعـندك زهابه
واللي مضى من فـايت العـمـر بفـراق=يـعــطـيـك من باقي .. حـياته شـبابه
يـا طـير ياللي عـانـق الـريـح بســباق=لا هـنـت يـا طــير ٍ .. طـلبـته اطـلابه
أرسل جواب القـلب صـوبه ولو ضـاق=وانــثـر سـلامي لـه وشـوقي ومابـه[/poem][align=center][/align]


اليكم الرابط
http://www.sudeer.com/vb/showthread.php?t=40703



ثالث قصيده لـ شاعر ( سليمان بن سريع )
( شربت انا المر والصبره وأكلت الشري )

::

...
[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شربت أنا المر والصبره وأكلت الشري = لكــن طــــعم الخيانة مــا قــويت ابلــعه
امشي بجـرح الخـيانة والحشاء مهـتري = وافــرق الهم وارجع بالدمــوع اجمـعه
مـا للخــــيانة غبي ومـا لـهـــا عـبقري = دام اتجـــاهاتنا عشره ما هــيب أربــعه
وما دامنا ما زرعنا الورد في المشتري = كـــل المشاعر كــــلام وهـرجنا لعـلــعه
تلعثـــمي يا حــــروفي ونكـتم يا قـهري = ما دمت بين الرجاء واليأس في معمعه
أخــــاف لــبري المذنب ولـــظلم بـــري = وأخـاف لو يصرخ المظلوم ما اسمـعه
لا صرت راضي بحكمة خـالقي وقـدري = ما أصـير مثل الذي سـبة عــماه إصبعه
بصــبر وراجــع حساباتي بقـلب جــري = وقـــرر الموقف اللي مـا قـــواه امـــعه
وشفي بطب الحقيقـة طعـنة في ظهـري = واتل سيف الخــيانة مـن يده وانــزعه
وطبق الحكـمة اللي في الكتب تنــقري = ضرسك وهـو منك لا منه رقــل فقــلعه
وودع الهـــم وأيـــام العــــنا وســهري = ولم ورد الهناء برضي وأقـوم ازرعه [/poem]

اليكم الرابط ..

http://www.sudeer.com/vb/showthread.php?t=43693



^
^

بـ التوفيق لـ شعرائنــا



// ملاحظة مدة الترشيح .... ثمانية ايام من هذا اليوم وسيتم بعده اغلاقه //

// ونعتتذر لـ تاخرنا //

( دمعة ألم )

[/align]