[رحّــــــــــال]

هلا والله ومسهلا
ياخي انا احس انكم اجانب يالي اساميكم بالقلينزي
بس والله ماقصرت على زرقتك لموضوعي الي باسطن به من زمان ولا قبل علي احد
هقوتي اني اباحط لي حباله في مواضيعي عشان تقضب الي يوطوط حولها ولايدخل

والله ياخيي شقق العزوبيه توسع الصدر اذا ماصار فيها خرابيط ولو ان الكنكان تسرق الوقت <==== امش يبورمش معذبته الاسهم والعقارات
هاك الحين اروح لشقة ربعي في العقيق <==== تراه فضيحه يبي يقول اساميهم الحين
وكلما قعدت عندهم تسمع لجلجت ذالسيارات وتفحيط ويغدي شارعهم عبوكره واذا طلعت ابا اسري لدارنا وانا شايلن هم ابوي الي تلقاه مترصدن لي
واذا طلعت ومشيت لي مترين والا الدوريه حابلتن لي ويجودوني وانا وياهم شيل وحط يحسبوني انا الي افحط
قلت لهم وش شايفيني بريطه انا اباري الساس ومعي ذالقرنبع الي لامشيت مايناظرني الا السودانيين من حبهم للهايلكس 82

اما موضوع روحتي لسدير وحركات الصتيمه دحيم معي مانيب مكملها والعالم ماهمب لمها
اذا تفاعلوا الجماعه معها ابشر والله من يكملها ويعطيك بادزي سوالفي انا وياه
واعطيك النشيد اللي نقوله لدحيم منول وتاليتها سرقوه قناة المجد وحرفو فيه
وسوالف دحيم في مصر وسوالفي انا وياه يوم نوينا نروح لبيروت وسالفته مع حسن نصرالله

وجعل مايعقبني عليكم الا العفو والعافيه