تبين علومي الغبرى
تهمك اخر اخباري
على خبرك ابد يابنت
اعد انجوم وارقبها
اساير وقتي الظالم
واسري ليلي الساري
ولا لي بالسهر مصلوح
سوى صوره اقلبها
ابروز صورتك واخشى
اعلقها على جداري
يهز الزين جدراني
ويفضحني يسربها
ويشرب دمي الصوره
بها موتي ترا داري
انا ماهمني موتي
اخاف ذنبي يعذبها
وينشدها ضميرن حي
اذا جا للهوى طاري
عن ارواحن غدت بالحب
وزينه هو سبايبها
وقالت يابعد حي
صدف بحري ومحاري
طعم هالموت مالذه
طعون الحب جربها
وش افضحلك من همومي
وش افشيلك من اسراري
طعنت الشوق في غيرك
ولا ادري وش عواقبها
ولكن صورتي تكفى
زهر شوقي مع اشجاري
ابيها تظلل عيونك
وعيني لا تحاسبها
وقلت الموت من عينك
بها سحر الهوى جاري
ودام الموت هو فنك
ابيك الروح تطلبها
ابد لاتهمك طعوني
وخناجرها انا شاري
حلات الموت بعيونك
تكفني حواجبها
مدري من كاتبها
