راح أحكي لــكم موقف ... صار معايه برمضان ( تو الناس )
كـــــــ المعتاد أصلي صلاة التراويح مع أمام حينا بصحبة أحدى الصديقات
الصديقه ملكعة شوي الله يذكرها بالخير .. تعليقات رايحه والثانيه جاية على هالموقف
حتى أشارة مرور مافي تعيق هــــ التعليقات الحلوة .( ماشاء الله عليها )
المهم أخلص من الصلاة ... ما اشوف غير وحدة من الاخوات على طول تجيني مبادرة
بالسلام والمصافحة .. انا عادي ارد عليها وينتهى الموقف ..
خويتي تقولي تعرفينها ... أقولها لا .. تستغرب وتقولي الف الحمد والشكر ..
انت فاتحة سبيل كل من سلم تصافحينه .. طيب ايش اسوي صعبة ارد الأدميه
ونفس الموقف في الليله الثانيه ..
صارت صديقتي تقولي أنتبيه جاتك خويتك ...
الله لايبلانا .. صرتي بركة المسجد ... يـــ بنت الحلال الله يكفنا شر لسانك ..
نبي نخشع في صلاتناااا
أخر ليلة طفشت من جد نفسي اعرف ليش دايم تختاريني وتسلم عليه
صح النوم والله يــــــ شموخه توك تسألين منهي !! ( ايش اسوي تحرجني بترحيبها )
المهم جات كــــــ المعتاد تسلم ... قلت الأخت مشبهه ..
قالت افااااااااا ماعرفتيني ...؟؟
قلت لا والله مين ... قالت تذكرين اللي قابلتيها بحفلة كذا وكذا ..
قلت لا ... قالت كنتي لبسه كذا وكذا .. وكل شئ جابته بالتفصيل الملل
وانا فاتحه فمي فيها أستغرب سعة الموموري ( ماشاء الله )
وصديقتي تحذف الكلام عليه .. ( حسبي الله على شيطانها .)
تصدقون اني ما عرفتهااااا .. أضطريت اتظاهر قدمهااا
والله أحراج ... قلت لها حياك الله اخبارك علومك ..
خويتي ميته من الضحك عليه .. بيــجيك يوم ...
ومشيت وانااااااا في قمة أحراجي ... وماقصرت صديقتي
سلختني بـــ لسانها .. الله يذكرها بالخير ..