الجزء الثالث والأخير طبعاً وبعد الوصول إلى مدينة ( نوارإليا) واللي قلنا تمتاز بحوها الجميل والبارد كان البرنامج هو قضاء يومين في هذه المدينة .. طبعاً اليوم الأول راح تمشي في ملاعب القولف القريبة من الفندق وفي بعض الأسواق الشعبية المجاوره ... وهذي صوره لاحد ملاعب القولف : صوره لاحد مزار ع الخضار اللي تشتهر بها المدينه : واليوم الثاني كان البرنامج زيارة حديقة الزهور واللي تمتاز بكثرة انواع الزهور لكن للأسف كان الفترة اللي زرناها فيها ماهي افضل وقت حيث ذكر لنا المرشد السياحي بأن قبل شهرين كانت افضل والزهور مفتحه .. لكن مع ذلك استمتعنا بجمال التنسيق في هذه الحديقة : في الصباح ودعنا مدينة (نوارإليا) متوجهين إلى مدينة (دمبولا) واللي يتواجد فيها السفاري داخل الغابات وكانت المسافة بعيده مره (170)كلم تقريباً قطعناها في خمس ساعات تقريباً !! مرينا في الطريق ببعض مزارع الأرز وشاهدنا طريقة حصد الرز وتنظيفه : طريقة الحصد: التنظيف في احد المصانع على الطريق: وصلنا لمدينة (يالا) وريحنا شوي فترة الظهر في احد الفنادق لان الوقت هذا غير مناسب لدخول الغابة لان الحيوانات تكون في فترة راحة .. وكان فيه بحيرة في هالمدينة وفيها قوارب تأجير ركبنا لنا قارب نوسع الصدر فيه لين تجي الساعة 3 وبعدها توجهنا لسفاري (يالا) وركبنا الجيب مع سواق عليمي !! وهذا تمساح فاق اثمه يترزق الله : وين اهل الصيد : طلعنا تعبانين من السفاري ومتكسرين من هالجيب الخرده وتوجهنا لمدينة (برويلا) وكان هذا خطأ كبير في برنامجنا لان المسافه بعيدة ولا وصلنا الا الساعة 1 في الليل للفندق وكنا تعبانين مررره وكان السكن في فندق ( إيدن) وهو من اجمل الفنادق اللي شفتها في حياتي من حيث التصميم والموقع الرااائع على البحر : شاطئ الفندق : طلعنا الصباح للبحر ثمين توجهنا للسفاري البحري في مدينة ( بنتوته) وهي قريبه من مدينة ( برويلا) تقريباً 15 كلم وركبنا في السفاري البحري وهو قارب يدور بك في احد الأنهار ويمر بك على اكثر من 60 جزيرة !! من ضمنها جزيرة الدارسين واخدنا في هالرحلة ساعتين تقريباً .. هع هع هذا القبطان نامق : وهذي صور لبعض الجزر اللي مريناها : وبعد هالرحلة الممتعة طمرنا للبحر وركبنا في احد القورب الزجاجية اللي تشوف فيها الأسماك والشعاب المرجانية اللي في البحر ..!!وبعدها مرينا على مزرعة سلاحف : بعد ذلك توجهنا لفندق التاج في مدينة ( بنتوته) وكان فندق حلو بس يقلب الراس من كبره وموقعه على البحر خييييالي: جزء من الفندق والشاطئ الجميل : وتشوف آثار تسونامي والبيوت والمباني المتهدمة بعد الكارثه اللي جتهم .. المهم امرحنا آخر ليلة في هالفندق ومن الصباح توجهنا للمطار مودعين سريلانكا بعد رحلة ممتعة ورااائعة ..