[ريـال فسحة]

يقول ابو ريان :
صراحة احترت مدري ارد عليك بالفصحى والا بالعامي بس شكلي ابرد عليك بالانقليزي علشان اللي ما يفهم وش كتبت يكتفي بعبارة ( المعنى في بطن الشاعر )

وردت شذى وتقول مافهمت شي

وانا من ناحيتي اقول مافهمت شي

وسبب عدم فهمنا مهوب اعاقة في المخ لا قصور في الفهم . وانت عارف الشي هذا

انا بصراحة مدري وش تقصد بقولتك (( اللي ما يفهم وش كتبت ))

انت كتبت ردين الاول فيه قصيدة شعرية وبيتها الاول فيه وصف ان عقلي فيه اعياء . ومع ذلك انا مبسوط من تعقيبك ومزحك

لكن الظاهر انك صدقت ان عقلي فيه اعياء وتقول مدري وشلون ارد عليك

ياخوي رد بصراحة وقل كل اللي في بطنك ولا تخلي شي في بطن الشاعر وخل اللي مثلي مايفهمون يدرون وش في بطن الشاعر

انا قريت الموضوع اكثر من مرة وماشفت فيه تعرض لاحد بسوء وكان كله مزح في مزح وان كنت غلطت على احد بشي فانا من الان مستعد اعتذر له قدام الجميع


اما سالفة الفصحى والعامية . الظاهر انت تدري عن تخصصي الدراسي
لكن بجد يابو ريان ان كان في موضوعي شي مزعلك علمني ومهوب في رسايل خاصة الا علمني هنا قدام الجميع وترى انا قايل من اول ان هذي محاولة شعرية وبيضة ديك .

فاذا لك ملاحظات عليها وعلى كاتبها قلها .ووالله اني بكون سعيد باي توجيه منك


اما سالفة يفهمون وما يفهمون وبطن شاعر . هذي خلها للشعرا اذا تناقشوا بيناتهم

اما اللي مثلي ((على قولتك في عقولهم اعياء )) ارجو تبسيط الامور لهم وتوضيح ما ازعجك في ردودهم

تحياتي لك


في انتظار ردك وبأي لغة تريد


اخوك ومحبك ريال فسحة ( السبعين سابقا )