[ناصر الحنو]

احبتي اعضاء ومشرفي وزوار منتديات سدير

السلام عليكم ورحمة الله وبركاته

بداية اهنئ نفسي بالانظام لكم في هذا الصرح الجميل

واحب ان اصافحكم بداية بهذه الابيات المتواضعه

كلمات وفاء لصاحب الوفاء امير حوطه سديرصالح الزكري (ابوفهد)

اعلم اني مهما قلت فلن افي هذا الشيخ والامير حقه

ولكنها مجرد مشاعر واجزم بأنها مشاعر اغلب من عرف هذا الشهم الكريم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بديت الذكر بسم الله بعفوه يغفر الزلات=ولابغيره ابد نبدى كريم المن سبحانه
وصلاة الله على المبعوث من الله باحكم الايات=محمد خير خلق الله رسوله بخير اديانه
ومن عقب الذكر برسم واسطر للوفا قافات=بشعري وياشعر ارجيك قصيدٍي كمّـل اركانه
نخيتك ياشعر افزع ابنظم في الكريم ابيات= ابنظم شعر يتباهى بشيخٍ عاليٍ شانه
شجاعٍ من بني زيدٍ قوي الباس والصملات=عزيز النفس بشموخه وعقله بالفكر زانه
ابوفهد ومن غيره بطيبه يسبق الطيبات=بطيبه يملك قلوبٍ وفعل الخير عنوانه
يفـرّج ضيقة المكرب بحرصه تنتهي الضيقات=يشيل الهم من قلبٍ تعب من كثرة احزانه
فزوع لكل من جاله ولاعمره رفض فزعات=فزوع ولايبي شكرٍ ولامدحٍ من اعوانه
بشوش الوجه إلى شفته سموحٍ دايم الاوقات=كريم ولايرد اللي تعنى له على شانه
كريمٍ والكرم طبعه ذكرتك يازمانٍ فات=زمن حاتم ولد طيٍ يعوّد سالف ازمانه
يفوح الطيب من بنٍ مبهر بالكرم دلات=يقدم بالكرم والطيب فنجاله لضيفانه
جميع افعاله تشهد له على انه راعي الجزلات=ورث شيخته من شيخٍ ابوه الشيخ باوطانه
بفعلك يالكريم الشهم نقشت اسمك على الصفحات=وحفرت اسمك بوسط الكون وذكرك دوم بلسانه
هنيالك ديار سدير بصالح صاحب الوقفات=يكــفّـي حوطة سديرٍ بعين الامن سهرانه
بذكرك يالكريم الشعر شامخ رافع الرايات=بذكرك يالشهم صارت عروق الشعر رويانه
انشهد ياشعر انك توشحت الفخر تاجات=مدام انك ذكرت الشيخ بقولٍ يطرب الحانه
ومهما قلت انا بشعري ابد ماتوفي الكلمات=وشعر بغير مدحك يالكريم يلوم نقصانه
اقد ملك انا شعري بقافٍ يرسم البسمات=لبست من الفخر يومي مدحتك اغلا تيجانه
بصلي وادعي الخالق مجيبٍ يقبل الدعوات=عسى الله يحفظك دومٍ ذخر لسدير واعيانه


وسلااااامتكم
ناصر
ظماالعشق[/poem]