هذا انـا يا بهجة القلب رديت
من عقب غيبه جيت كلي حنيني
ورسالتي ارسلتها عقب ما اقفيت
تذكرك با احلام بينك وبيني
هذا انا من دون شلون او ليت
كلي وفى في داخلي يحتويني
من قلبي جيتك بشعري ولبيت
من عقب غيبه واطلبك تعذريني
يمكن تظنيني بهجري تماديت
ويمكن تقولين الشوق قدمات فيني
ويمكن تقولين اني مع البعد جافيت
والبعد نساني رجاوي سنيني
شوفي تراني عنك ماقد تخليت
لو شفتي دمعي حاير بوسط عيني
ابشرك اعطيتك الحق واوفيت
لامانسيتك لحظه ياعيوني
لكن ظروف الوقت خلتني ابطيت
وربي غلاتك ثابته في كل حيني
كتبت لك من الشوق بيت ورى بيت
واحييت لك آهات جرح دفيني
واسقيت نفسي حسرة البعد وأرتويت
وانت علامك خابرك تفهميني
اوسع الخاطر بقولة تناسيت
واشوف طيفك كل لحظه يجيني
اشتقت للجلسه معك حيل حنيت
وان كان وان كان في قلبك عتب عاتبيني
هذا انا جيتك برساله وطليت
جيتك وانا ادري بك لهفه تبيني
من غربتي مليــت - مليــت - مليــت
ادخل على الله من الجفا سامحيني
مــــــــــــــــــنـــــــــــــــــــــــقــــــ ــــــــــــــــــــــــــــول