[ابو عبدالإله]

المشاركة الأصلية كتبت بواسطة نجدية العز   يعطيك الف عافيه اخوي ابو عبدالاله الصراحه شوقتنا نروح لها واتفقنا في اخر شهر سبعه نروح لوتكرمت حبيبت اسئلك عن بعض الامور كيف ليلها ونهارها متى تغيب الشمس وتشرق؟؟ وقت الليل وين تنصحنا نروح؟؟ وشرايك بفيينا كم نجلس فيها؟؟ كيف طريقة الدفع اخذ معي كاش او عن طريق الصرفات انت وش سويت؟؟ كيف الامان فيها؟؟ اتتمنى منك الاجابه واسفه على كثرت تساولاتي؟؟ مشكوووووووور

حياك اختي الفاضلة ،،

اولا شكرا للاخ boylondon على اجتهاده ..

المشاركة الأصلية كتبت بواسطة   كيف ليلها ونهارها متى تغيب الشمس وتشرق؟؟

بالنسبة لمغيب الشمس مثل ماذكر الاخ من الساعة التاسعة تقريباً والشروق الساعة الخامسة ،، وهذا يعني انو النهار راح يكون كافي للزيارات والتمشيات او بالاصح انو كل شي يقفل بالليل ( مثل الاسواق والمحلات تقفل الساعة 6 الى 7 مساءً ماعدا المطاعم طبعاً ..

المشاركة الأصلية كتبت بواسطة   وقت الليل وين تنصحنا نروح؟؟

في عندك الملاهي ( البراتر ) تفتح الى ساعات متأخرة من الليل وغالبا تكون أونس في الليل خصوصا يومي السبت والاحد ( الويك اند ) .. وعندك برج الدانوب ممكن تتعشون فيه والمنظر في الليل من البرج خياااااااااااااااال ..

المشاركة الأصلية كتبت بواسطة   وشرايك بفيينا كم نجلس فيها؟؟

بالنسبة لفيينا تستاهل من 4 الى 5 ايام .. وهي مدينة رائعة بكل ماتعنيه الكلمة لمن يحب الاكتشافات والمشي ويفضل السكن في السنتر حول شارع المشاة ( الكارتنر ) لان المنطقة هذي منطقة حركة ومقاهي وبالقرب منها حديقة شتاد بارك وممكن تروحون لشارع المارياهلفر للتسوق .. وافضل انكم تستخدمون الاندرقراوند ( المترو ) لانها متعة بحد ذاتها وانا شرحت طريقة استخدامة في تقريري ..
وفيينا فيها مناطق او مزارات سياحية كثيرة مثل :
1- الجبل المطل على فيينا .. وهذا مكان رائع مطل على فيينا وفيه مطاعم ومقاهي وجدير بالزيارة ..
2- مغارة هتلر تبعد تفريبا ساعة .. مكان حلو وكله مغامرات وصعود بالجسور المعلقة ..
3- قصر الشانبرون .. القصر الملكي وتشوفون فيه السكن السابق للعائلة المالكة ، وفيه حديقة خياليييية ( لكن يبيلها نشاط ومشي لانها كبيرة ) .. وفي نفس القصر فيه حديقة حيوانات حلوة ..
4- نهر الدانوب .. ممكن تتمشون عليه مع التمتع بالوجبات الخفيفة والايس كريم .. وايضا ممكن تاخذون جولة بالعبارة ..

المشاركة الأصلية كتبت بواسطة   كيف طريقة الدفع اخذ معي كاش او عن طريق الصرفات انت وش سويت؟؟

يالنسبة لي انا اخذتها كاش وحطيتها في خزنة الفندق وكل يوم اخذ مبلغ معين .. وايضا ممكن تحطين مبلغ في الصراف للضرورة ( لكن لازم يكون مكتوب على البطاقة من الخلف كلمة plus بالازرق) وتقريبا كل بنوكنا موجودة فيها ..

المشاركة الأصلية كتبت بواسطة   كيف الامان فيها؟؟

البلد آمن بكل ماتعنيه الكلمة ولا فيه خوف ولا مضايقات بالعكس الشعب النمساوي شعب ودود ومحترم وفي حاله .. ولكن هذا مايمنع وجود فئة على غير ذلك .. ولكن حاولو تتجنبون ركوب المترو محطات المترو في الليل لانها منطقة تجمع للسكارى .. واصلا مايمدي الليل يجي الا وانتم مدروخين وتبون النوم ..

تحياتي لك ..