[أبو حمـد]

هلا وغلا أبو عدي مساك الله بالنور والرضا ،،


بهر دلالك زين وزدها من الفوح &&& يجي لها كيف ٍ ويطرب لها الضيف

يا أبو عدي العلم مكتوب باللوح &&& ليه الحقايق صابها اليوم هالزيف

ذباح شعبه صاحبك صار مفضوح &&& مليون ماتوا في حلبجه وفي الريف

يا أبو عدي الناس ضجت من النوح &&& خمسة حروب ً شبها بحكمه الهيف

ارسل عليك اسكود وتقول مملوح &&& وين الكرامه كيف ترضى بها كيف

ويوم ٍغزانا عادي عندك ومسموح &&& ويوم استباح الجار عادي ولا شيف

يا أبو عدي النوح ما فيه مصلوح &&& كثر التوجد عندي دواه هالسيف

مدري علامك تخلط الجد بمزوح &&& ومدري علامه قلب ها الشاعر رهيف

قم يا نديبي شف لنا عالي صروح &&& ترى المواجع ما لها عندنا كيف