[أبو حمـد]

مساء الخير ،،


هو شاعر عنيزة الكبير حمد بن عبدالرحمن المغيولي .. ولد في عنيزة سنة 1353هـ , وبها نشأ وترعرع , وفرضت عليه مصاعب الحياة وطبيعة عمله التنقل بين أرجاء المملكة ،، فتنقل بين عنيزة والأحساء والرياض حيث عمل في وزارة الدفاع فترة من الوقت , وساجر , والرقعي , ثم في تبوك وفيها توفي في 7/5/1416 هـ وبها دُفن تغمده الله برحمته الواسعة ..

مارس أبو دحيم (كما يحلو لرفاقه أن ينادوه) الأعمال الحرة في مجال حفر الآبار , وهذا ما جعله كثير التنقل . وتميز بالنبوغ وحدة الذكاء , وكان حلو الحديث , شهما كريما , وجليسا مؤنسا , ومتحدثا آسرا ..

شاعر من فحول الشعراء وشعره في الغزل جمع بين النقيضين العذوبة والجزالة .. فشعره جزل لكنه عذب . وأغلب شعره في الغزل العفيف , ولم يكن يلجأ إلى التصوير الجسدي كما يفعل بعض الشعراء من جيله وممن عاشوا قبله , بل كان يترجم العواطف , ويشرح الهواجس بعبارة ساحرة وخيال خصب , ومعان متجذرة في حياة العشاق ..

كان رحمه الله شديد الإحساس بالكلمة . وله قاموس غزلي متفرد , مرتفع عن لغة العامة , لكنه غير مغرق في الغرابة . تقرأ في شعره الغزلي كلمة غريبة لكنه يطوع غرابتها لتصبح ساحرة في سياقها ..

وباختصار استطاع حمد المغيولي أن أن يقدم المحتوى القديم لشعر الغزل بالقالب الجديد الذي يعتمد على ترجمة الحالة الشعورية بشكل ساحر ..

وأبو دحيم كان من الموهوبين القلائل الذين استطاعوا أن يجمعوا بين القصيد والرد بنفس القوة والمتانة والتصرف , مثله مثل صديقه وزميل دربه في الشعر الشاعر الكبير أحمد الناصر ..

وقد خاض رحمه محاورات كثيرة مع كبار الشعراء الذين عاصرهم مثل : ( علي ابو ماجد - علي القري - عبدالعزيز البادي - محمد بن ثعلي - احمد الناصر - عبدالعزيز المقحم " سهيل "- مطلق الثبيتي - مستور العصيمي - شليويح المطيري ـ خلف الهذال ـ الشيباني .. وغيرهم )..

في نهاية التسعينيات وأوائل القرن الهجري الحالي أحدث مع صديقه وزميله أسد المحاورات الشاعر المرحوم عبدالعزيز البادي ثورة في سوق المحاورة في عنيزة وغيرها , فراجت وكثر عشاقها , وانتشرت في عنيزة انتشارا مشهودا . وقد سُجّلت له محاورات عديدة في جميع المناسبات ..

كان رحمه الله وطنيا محبا لعنيزة عاشقا لها إلى درجة الامتزاج الوجداني بها , لذلك كان يحرص المشاركة في جميع المناسبات الأدبية , وخصوصا الحفلات التي تقام في الأعياد , فكان يشهدها ويحييها وبحضوره تحضر الجماهير الغفيرة ..

ليس له ديوان مطبوع , لكن شعره معروف لدى كثير من المتذوقين والمعجبين , وقد ترجم له معدا كتاب (شعراء عنيزة الشعبيون) في السفر الثاني من الكتاب , وأوردا له عددا من القصائد , كما نشر له عدد من المهتمين بجمع التراث في كتب المجاميع الشعرية ..

غنى قصائده كثير من الفنانين الشعبيين وعلى رأسهم ملك السامري سلامة العبدالله , والفنان عبدالله الصريخ , وسليمان الهندي , وحمد الطيار ..


هذه بعض قصائد الشاعر حمد :


ومنها هذه القصيدة " تعزيت اهوم الصبر " والتي لو لم يقل غيرها لكفته :

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تعزّيت أهوم الصبر والصبر ما أطيقه=عيوني من الفرقا شِقاها يْلاحقْْها
ألا يا عيوني من طِوى الهم والضيقه=إلى أقبل سواد الليل هلّت غوَارقها
أنا إنْتَلّ قلبي وانْصَرم من معاليقه=جِزَع وانْمزع والروح شبّت حرايقها
ألا يا وجودي وَجْد من قِلْ توفيقه=غدا لـه ذِهيبٍ جرّته ما يْعتّقها
على جادلٍ كِنْ الكواكب عشا ريقه=تهاوى القمر والشمس من فوق عاتقها
عليه أشقر منْقوض تسبح دوَاليقه=على نهْدها المركوز والنهد خانقها
ألا وَاهني من صام وافْطر على ريقه=شَهَر من زمانه عندها ما يْفارقها
عسى مزنةٍ من عَصْر تكشف بواريقه=عليها يْحوّل الطير من قوْ بارقها
تحدّّر على نِفْدٍ هَوَايَه مشاريقه=جنوب الشعيب وشرقها الجال فارقها
تجي غبّها الريضان تضحك زماليقه=حَمَارْ وبَيَاضْ زاهيه جَلْ خالقها
مداهيل عنقا يشكي الضيم عشيقه=يسومل وروحه عاصف الحب طارقها [/poem]



*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
خاسر اللي يعد الحب له راس مالـي=والله اني بعد جربت وضعـه ماريـده
والله اني ما اعدك ياابعد الناس غالـي=بعد ما شفت من جوره وهمـه وكيـده
وعساي ان هويت بعمري اللي بقى لي=يفقدن من دحيم ويفقدن مـن فريـده
بعد جربـت واجـد قلـت ياهملالـي=من تورط ببنك الحـب يفقـد رصيـده
من جحيم الموده يكفي اللي جرى لـي=انشد اللي يجاذب عبرته فـي وريـده
درستنـا الليـال وعلمونـا الرجالـي=والغرام المزيـف يقطـع الله حصيـده
واحسايف سهر عيني بسـود الليالـي=ساهر اشرب الدله واسـوي قصيـده
كم تعنيـت لاجلـك جمّـل الله حالـي=لاجل عينيك عاني مـن بـلاد بعيـده
كان قلبك من اللي ينعش الروح خالي=بعت حبك برخـص ولا حيـاة زهيـده
مير خلـك بفالـك واتركينـي بفالـي=عن غرامك طويت اليوم صفحه جديده [/poem]



*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا ياليل ياليل الشتاء ماطولك يامبطاك=على اللي عيونه ما تبا النوم من تالـي
متى تنجلي ياليل والصبح فيـه افـلاك=ابرمي السبب وارجي السعاده من الوالي
تغليت ياغالي وسيـرة غـلاك اغـلاك=على ما مضى تستاهل اغليك ياغالـي
انا اغليك ياللي سيرة الحب ما تخفـاك=تعرف الهوى واتميّـز المـرّ والحالـي
انا اغليك ياللي مـا تعشقـت ذاك وذاك=ولا صار لك بين العـرب رد وإبدالـي
انا اغليك ياللي كل ماهب لـي طريـاك=لو انك بعيد الـدار دايـم علـى بالـي
اجاهد هوى نفسي على رغبتك ومنـاك=ولا اطيع بك واشـي ولا هـرج عذالـي
عسى ربما يا من صنعك الولي وانشاك=تميز على شقح البني باربـع اشكالـي
تميز بعيـن وعنـق ومبيسـم فتـاك=وعود يميل مع الهوى حيث مـا مالـي
حبيب لبيب لعن ابـو خاطـر ينسـاك=لو انك تغلـى والغلـى سامـر حالـي
حرام الهوى ماتبع طريق الهوى لولاك=ولا الفت نظر عيني على كـل الازوالـي
دخيلك ابجاه اللي على رغبتـه سـواك=لما ادعاك مثل سهيل بالماكـر العالـي
على قيس ما كلفتني تشملـن حسنـاك=وانا سامـح يازيـن باللـي تورالـي [/poem]


*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سقى الله من الضاحي لما وادي العمران=حقوق دفوق من العشا ضافـي فوقـه
الى زل سبع من الدجى ساقه الرحمـن=رعـوده تحلتـم والمشاعيـل ببروقـه
على مقطر الساقي مع القصر والريضان=ثلاثين يوم الغـرس والنقـع بعروقـه
مداهيل عمهوجه شعتني وانـا مشتـان=وبيّح خفاي بحسـن خلقـه ومنطوقـه
الى شافني هلا وحلـف ثـلاث ايمـان=بلهجة مـوده كـان الايمـان ماثوقـه
اخاف اندفع واصبح ببحر الهوى غرقان=كما ان الهوى راعيه مايامـن البوقـه
اشوف العنب والخوخ والتين والرمـان=والى جيت ابا العنقـود ردون لا اذوقـه
لك الله ولولا الله واداري مـن العـدوان=فلا اخذ ثلاث ايام عن قطـف زملوقـه
غرامي بشقر من ندى المسك والريحان=تجلجل على بيض وعقد علـى طوقـه
اسولف مع الجهال واضحك وانا وجعان=سبب شمعتي من شمعة البيض محروقه
حلى ما تشوف من البني عودها مليـان=حلايا عنود باشهـب الملـح مصفوقـه
ثمان على المبسم بها الدر والمرجـان=كما دانة مـن بحـر تسعيـن مفلوقـه
حرام ان خطفت الروح ياقايـد الغـزلان=وقلبي من اول يـوم جذيـت معلوقـه
ترى ذبحة المسلم بـلا ذنـب يافتـان=لها حوبة ماهي عن الخصـم مفهوقـه[/poem]


*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا واهني اللي من الحب مـا يهتـم=يطيب الزمان او يختلف شين ماهمـه
معافى زمانه لا يهوجـس ولا ينـدم=يقضي ليال شباط والقيظ عنـد امـه
وانا اللي عيوني تزعج الدمع دمعه دم=واخفي جروح الروح والروح منسمه
سبب جاهل لاهوب يصخف ولايرحـم=لو اني من اقصى الناس والا ولد عمه
حربني وانا ما نيب طاغي ولا مجـرم=انا بالبخت يا هافي الوسـط والذمـه
الى صار دينك جايزٍ ذبحـة المسلـم=فالى حل ذبحي خل ذبحي على يمـه
الا يا مربي قذلـة تقـل ذيـل ادهـم=من العنبر الغالي على بعد له شمـه
ابي شربة تبرد غليلي مـن المبسـم=اذا كان تسمح لي على مطلبي تمـه
صويب المحبه لو نجح دور ما يسلـم=يسومل على همه وهو ناشف دمـه
ياليت الثريا ماعترض دونها المـرزم=لما الكبد يطفي حرها بـارد الجمـه
حرام الهوى غيرك من الناس ما يلزم=الى صار غيري ما تلد النظـر يمـه [/poem]



********



[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
على شارع الحله وانـا اراقـب الفلـه=عرض لي عساه الخير من ياسم العرقات
على كبدي اللي تجحـد الغيـظ والعلـه=كواني وخلانـي عليـه اجـذب الونـات
تقبل مغيب الشمس يمشي علـى ظلـه=ضحى والضحيه منه انا طحت بالمثنـات
حدث بي عقب مااقفيـت يافاتنـي خلـه=الا واعذابـي منـك ياشمعـة الزينـات
انا اللي عيوني تزعـج الدمـع وتهلـه=جرح خدها اللي حدها تزعـج العبـرات
غزالٍ تغطـرس بالحـلا والغـلا كلـه=يسوق المنايا سـوق ويتابـع الغـارات
تجزّل بها اللـي بالحـلا محسـنٍ دلـه=عذاب العيون عيونه اللي كما الساعـات
الى اقبل يدانـي خطـوة الرجـل ويتلـه=اقول الحياة اللـي بقـت مالهـا لـذات
اقولـه وانـا يا غافـر الذنـب والزلـه=ليال الشتا قزّرتهـا هاجـسٍ واسكـات
احسب نجوم الليل واسهر علـى الدلـه=فريد وحيد شاب راسي مـن اللوعـات
الا يا هني من ناعـم العـود مصـخٍ لـه=ارفّه على نفسٍ طنت من زمـان فـات
ورى ما تعاملني علـى الديـن والملـه=حرام عليك ان مت مقهور مع من مـات [/poem]



*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
وجودي وجود اللي جذب ونته واشتـان=بعدما وقع وافلت مـن ايدينـه الطـاره
قلب موتره بالقيظ في حومـة النقيـان=صميله وهو ظامي على الباب مطـاره
فزع للهمل بالقايلـه والقـدم حفيـان=تعب وانقلب يبكي على شـوف سيـاره
عرض له حلال القوم طفق من القعدان=جفل ساع شافه يوم حظه طفـت نـاره
يبي نقذة للعـود والعجـز والورعـان=يديـر الروابـع والهواجيـس محتـاره
قعد بالخـلا لا مـن صميـل ولا حذيـان=صفق بيده اليمنى من الوجـد بيسـاره
ضرب ركعتين وسلم امره الى الرحمـن=كفـى يامكافـي والمقاديـر جـبـاره
بعد مانصرم نصف الشهر جابوا الرعيان=خبر ميـت بيـن الطعاميـس والقـاره
لقوا جثته ثم اشعروا بالخبـر سلمـان=وقال ابعثوا يكشف على النفـد طيـاره
انا صابني مثله مـن الهاتـك الفتـان=طلبته بصلح وشنها امس الضحى غاره
انا وش حياتي كان ابصبر على ماجـان=معك حق تلعب لعبـة الفـرد بالشـاره
زماني وانا اراعيك عن جملة الخـلان=وافوضك تاخذ جوهر القلـب واسـراره
عسى ربما ترحم وتعطف على الوجعان=على راحتك تسمح من الـورد نـواره
اطفي فـؤاد تشتعـل جوفـه النيـران=ولـو حبـة بيـن العشاريـق وزراره
احللك وادعي لك من الخالـق الغفـران=الى انقذت روحي من شقى الحب واكداره [/poem]


*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا يا زول زولك زلـزل العقـل الرزيـن وزال=دخيلك يامليح الـزول لاتستعمـل الـزودي
ابشرح لك سراير حالتي واشكي عليك الحال=وانا يوم اشتكي عيني بلاها عيونك السـودي
اجاحد من ثمان سنين وارجي كل راس هلال=عسى برضاك تجبر خاطر بالحـب ملهـودي
صبرت وطال صبري والموده تذبـح الرجـال=ولاحصلت مع زود العنا شفـي ومقصـودي
طلبتك بالرضا والا الزعل ماله معك مدخـال=علي الباب باب المنفعه مقفـل ومسـدودي
انا لو قلت ابسلى عن مجالك مانسمح لي بال=تحاسدني هواجيس العنـا ياناعـم العـودي
الى صديت عنها بالخلا جاني رهق وجفـال=والى قابلتها جذت من اقصى القلب عرجودي
عسـى رب بلانـي فيـك يافتـان ياحيـال=يلينك مثـل مـالان الحديـد بكـف داوودي [/poem]



*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا يا قلبي ياللي كل ماجا الليـل جـاه خـلاج=يلوج ويلتوي بالجاش مـن شـي تورجلـه
اعاني من عنا جرح خفق بين الضلـوع ولاج=عرضته للطبيب اللي مدحتـوا مـا تخرجلـه
دريت ان الهوى يرث جروح مالهـن عـلاج=الى زاد الغلا واللـي تـوده قاصـر رجلـه
يخاف من العيون الشامته واكذوبـة الهـراج=الا جا الصبح هراج القفى يكثـر بنـا دجلـه
انا بصبر عسى بالصبر لو طال الفراق افراج=على شانك وغيرك ماسهرت الليل من اجلـه
على شانك ومن شانك حياتي بالحياة احـراج=عسى قلب شبكته بالهوى ربـي يفـرج لـه
تكايدني بخد مـادرج مـن فوقـه المكيـاج=طبيعي الجمال اللي غشى الوجنه هدب نجلـه
عليه ثلاث نجوم وزودوه من الحـلا بالتـاج=زعيم الحسن له حق الجمال اللي يتـوج لـه
الا يا مجيب دعوة من دعـاك بليلـة المعـراج=دعاك بجاهك التخفيف تقبـل طلبـة عجلـه
تعاوني على خـل تركنـي للشقـا مسهـاج=ثمان سنين من عمري وانا مرهون في سجله
اعوم بغبة اوهامـه لمـا ساقتنـي الامـواج=على شط الفرات ايـام وايـام علـى دجلـه [/poem]


*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الا يا ونـةٍ ونيتهـا مـن خاطـرٍ مفجـوع=تهضّم بالبكا والعين دمعه فـوق الاوجانـي
على اللي لاجزاه الله تعرض لي بلا منفـوع=يبين اسهر وانا قبله من اللوعات سهرانـي
الا ياهل الهوى من حين طرّاد الهوى ملقوع=يحصد البين مع طول المدى والقلب وجعاني
انا والله ما سيّرت قصدي ياعميلـي طـوع=ولكن مقصدي بمشاهدك ياخرس الاعيانـي
علامك يا ثمر قلبي تلوعن بالهوى لي لوع=تعرض لي خطى ويلك من الله يوم تدهانـي
زريف الطول مسلوب العواتق عودها مربوع=الا ما أهبلك ياللي عن هوى المجمول تنهاني
انا وياك يا بدر الدجا عنـا القلـم مرفـوع=ولكن لا تغلـى تجرحـن والقلـب تعبانـي
سقى الله من سقاني من ثمان مزها قرطوع=برد عن خاطري واطفى لهيب الكبد واحياني
صلاة الله عدد ماهل وبـل بارقـه لامـوع=على المختار ماغرد حمام فوق الاغصانـي [/poem]



*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
على مايشوق لخاطري ينطـق لسانـي=يعبر لسانـي لكـن الوقـت ضاهدنـي
عشقت الهوى واشقان يوم الله اشقاني=احسبه على حمـل المـوده يساعدنـي
رماني هوى قلبـي وسمّـن وعنّانـي=وانا دون هذا كهـرب الحـب صايدنـي
مع الصاحب اللي في ضحى العيد وافاني=يقـود الزعامـه كـن وده يعانـدنـي
رميت السلام وفاتني تقل مـا اوحانـي=وهو يسمعن لاشـك قصـده يكايدنـي
الا يا بعـد حالـي وحـيـي وحيّـانـي=بـلاش التغلـي مـد كفـك وعايدنـي
ترى الكل غيـر الله رب القـدر فانـي=ولالك صـلاح فـي حياتـي تزهدنـي
الى جيت حادين الوحم حرق عطشانـي=علـى مبسـم غـر ثنايـاه وردنــي
طرف ساعة شانك يوافق على شانـي=اشاهدك وانتـه ياعيونـي تشاهدنـي
تطفـي لهيـب شـب بالقلـب نيرانـي=ترى الكبـد حرقـه والمنيـه تهددنـي
الا يا زريـف الطـول يانجـل الاعيانـي=على حبك اللـي غامـرن لاتحاسدنـي
من العام قلبي مـن تغليـك وجعانـي=وزود الغلا ما هـوب يبعـد ولا يدنـي
حرام ان سلبت الروح وايتمت بزرانـي=عساها بحظك كـان صممـت تبعدنـي
نقضت العهود وبعـت وديّ بخسرانـي=وغيرك من الخلان ما هـوب فايدنـي
تذكرّ زمـانٍ فـات ممـداك تنسانـي=ليال الصداقـه واجـب إنـك تعاهدنـي [/poem]



*******


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

الا يا عيني اللي مـا تلـد بكـل الازوالـي=ولا تشبح وتفرح لين ترمق زول مضنونه
الا يا لوعتي يافجعتي يـا كبـر غربالـي=على غرو الى سلهم ذحاح الموت بعيونـه
ذبحني بالهوى حبه وسم الجسم من حالي=قضى لي لاجزاه الله وزاد الجاش بطعونـه
اثر كل العذارى ما بهن من يرحم الحالـي=الى شافن المولع بالهوى ماهمب ياوونـه
الا يا عاذلي لو قلت لي خلـن علـى فالـي=انا والنفس عند مخضب الكفيـن مرهونـه
على ماراد يلعب بي وتل القلب ما اوالـي=كما تل الرشا طفقٍ على المسنـا يحدونـه
انا بالشمس وانته يا وليف الروح بظلالـي=خطا ما خفت من سبح له الرعاد بمزونـه
الا يا عين خرسا ماكره في نايـف الجالـي=انا وياك صرنا بالمثـل ليلـى ومجنونـه
عليك العي كما تلعي طيور الليـل عزالـي=تفجّع بالبكا قلبي عليـه وبـاح مكنونـه
انا يا كيف ابصبر والغضي يطري على بالي=الا يا ويل من نفسه بعنق الريـم مقرونـه
انا عمّا مضى داله ولا ابكي فرقة الغالـي=ولكن يا عذابي حالوا اهل الترف من دونـه
عسى من سبب الفرقا وحاس بفقدي الغالي=عليلٍ كلمـا زاد المـرض ردّوا يكوونـه [/poem]



*******


وهذه القصيدة سببت أشكال للبعض ،، ومن ضمنهم الشاعر رحمه الله ،، لأن القصيده بأواخر الثمنينات الهجريه قبل غناء القصيده المشهورة للأمير خالد ،، بسبب تشابه الطرق والقافيه مع قصيدة الأمير خالد الفيصل " قلبي اللي لواه من الصواديف لاوي " والتي غناها الفنان محمد عبده ،،


[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
آه يا ونتــــي ونـــــة جديـــــد المكاوي = موجسٍ من ضلوعه يــوم كويه شكيّه
ونة اللـــــي طواه من العواكيس طاوي = مع ردى الحال مـــــا له بالقبايل دنيّه
المعافا مريــــــــــــــحٍ والمولـّع شقاوي = دايـــــمٍ عيـــن طـــــراد المودة شقيه
من سبايب هنـــــــوفٍ غرتن بالهقاوي = وردّت قلبـــي المفجوع حوض المنيه
أشهد إنك عليّه مــــن كبــــــار البلاوي = قبل عرفك مريـــــــــحٍ في حياةٍ هنيه
صرت لي سمّ ساعة يا عيوني النداوي = لفتني بالمهالك مــــا اكبره من خطيه
يا بــــو خـــــدٍ يشادي للهلال السماوي = أرحمن كان بك لـي يالغضي مرحميه
كل ناقض جديـــــــــــلٍ يذبحن الهواوي = علقت فـــــــــي معاليق الحشا مقلميه
ودي إنك لحالـــــي ياشقر الراس تاوي = دامت النفس يا شمس المشاريق حيه[/poem]



منقوله ،، وللقصائد بقية ،،