[بنت الاصول]

ياذيب وش حدك لدار الاجانيبنقصت قدرك بعد عز ومهابه

من عاف داره طاح من عين ياذيبوياقرد من يعوي ولا له قرابه

يوحي بصدره شي مثل اللواهيبلاصار ماعنده أحد ينتخابه

ياليت ليه ينفتح باب للغيبلكن علمه عند ربي وبابه

اشوف وانقا من طبايعهم الطيبوابعد عن اللي لون قلبه غرابه

بعض الرجال يشيب مابان به ريبوبعض الرجال تنقده في جوابه

وبعض الرجال توقفه للمطاليبوتاخذ منه عند الرجاجيل جابه

والبعض لاعلمن يودي ولا يجيبماغير تخسر وقت حزة عتابه

لاجيته بداره يسوق التراحيبولا رحت قام يجيب فيك الذرابه

ومن جاب ياخذ عنك وياليته يصيبيزيد ويشاور بعض من كلابه

كاس المرارة بالكرامه مشاريبوكاس العسل بالذل فيه الخيابه

ياذيب وش حدك لدار الاجانيبلك لابتن تسوى ملايين لابه