[الصحراوية]

اهلا بك اخوي السبعين ,,

ودي اعلق على بعض المقاطع من ردك ,,, بالنسبة لموضوع الضرب بالعكس احسه عين العقل ,, تدري ليه لانه مهما كان المدرس لازم يكبر عقلة وماينزل لمستوى الطلاب اللي اعمارهم 13و 14و 15 و17 لانه بيني وبينك لو سمحوا بالضرب ان كان شفت الطلاب مساكين كل يوم يجونك مزرقين من الضرب وقد يكون بسبب او بدون سبب,,لانه يمكن يصير الاستاذ نفسيته خايسه ذاك اليوم ويحط حيله بها الضعيفين اللي مالهم لاحول ولاقوة ,,ولا افترض فعلا ان الطالب بدا بالضرب لسبب سخيف وقام ها المعلم وتبادل معه نفس الشي واللله ان تصير الفصول حلبات مصارعه لو فعلا سمح للمدرس انه يبادر بالضرب لمايعتدي عليه الطالب !!

بعدين ابقوك شي ها النظرة الدونيه للمدرسين مااجت من فراغ ,, تدري ليه ,, لان المدرسين هم اشد ناس في التسيب والاهمال من الناحية الوظيفية مافيه ذاك الالتزام والانضباط((الا من رحم ربي))

اهمال في التحظير ,,تاخر في الحظور ,, يجي يوقف عند الباب يقول مالي خلق اشرح راسي يوجعني طلعوا كراسة وارسموا ,, يعني لو الواحد يناظر اعذارة الشخصية اللي بتلهيه عن شغلة ما اشتغل ابد بس لازم الواحد يضحي شوي ويكون عنده ذمه انه ياخذ راتب اخر الشهر ومحاسب عليه.

بالنسبة للبنات ,, تجي الحصة حقت الاستاذه فلانه ,,تتاخر ,, ونسال وينها تجينا خويتها تقول ماجت غايبه !! نقول اوكي اكيد عذرها معها ,, بعد ربع ساعة تروح وحده من البنات لغرفة اللي مايتسمون وتلقى مجموعه استاذات مسوين حلقة وكل وحده منهم متفننه في الحلى والقهوة اللي هي جايبتها والطامه الكبرى تلقى استاذتهم اللي يقولون انها غايبه جالسة معهم !!وخذ خرط وسواليف ..واهمال لحصصهم.
هذولي الفئات من المجتمع ودي الصراحة اقليهم ,,من جد استهتار مو طبيعي

تحيااتي لكم.