[هوجاس]

[mover]مساء الخير والاحساس والطيبه [/mover]


[poet font="Simplified Arabic,14,teal,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

مساء الخير والإحساس والطيبة

مساء ٍ مايليق إلا .. بأحبابي


مساء ٍ غير غصن لطير يحكيبه

عن اللي مسكنه جفني وأهدابي


هلا باللي أحبه كثر تعذيبه

وكثر ماهو يغيب وكثر ترحابي

* * * *

حبيبي هو ولو ماقصّـر الغيبة

ولو عن بسمتي قد طوّل غيابي


أعرفه زين .. وعيتني أساليبه

عدوي يوم .. ويوم أقرب من أصحابي


ملكني بين ترغيبه وترهيبه

يفارقني وهو واقف على بابي


به الصادق .. به الغارق بأكاذيبه

يبي بعدي .. ودمعه بلل ثيابي


به القسوة .. به الرّقة .. به الهيبه

به الضعف القوي .. به نشوة أغضابي


* * * *

هلا باللي يصيب العطر بالريبه

يقول العطر .. أنا زايل ويبقابي


هلا باللي يقول الورد وش ليبه

من المهدى ؟ .. أنا أو هو لأطيابي


هلا باللي عجزت ألقى عذاريبه

هلا باللي تحبه .. كل أسبابي


مساء فاق كل الشعر ترحيبه

بجية من سكن جفني وأهدابي


مساء فاض بالإحساس والطيبه

مساء ٍ مايليق إلا .. بأحبابي

[/poet]