لا ضاق صدرك
لا ضاق صدرك
لاضاق صدرك و ضاقت عليك الوسيعة
وهليت دمعـــك من زود الهم و الضيقــة
ارفع ايديك للعزيز الكــــريم اللي تجلــه
و أحتسب اجرك واكتم الضيم و العلـــة
همك للغريب مايفيدك شيء لو تشتكي له
ارضى بالمقسوم لك وللناس لا تحكــي به
لا تبيع دنيتـــك يوم ثم ترجع تشـــــــريها
دنيـــاك ما تسوى شيء كان أنت مغليـــها
لاتهمك وساخة الدنيا تراك بكرا مخليــــها
فرح الضعوف منها وأدفــــع البلا فيــــها
تبرع لدور المساكين منها ولو تقدر إبنيها
و مسحة رأس اليتيم بجنة الفردوس تلاقيها
أعظم علة اذا إنعمت النفس عن مساويــها
إجمح مطالب نفسك عن كل شهاويــــــــها
وغمض عيونك عن عيوب الناس و داريها
كلن به أخطاء و عيوب و يبي من يغطيها
وأمــك ثم أمــك ثم أمــك تكفى لا تخليـــها
كانك تبي الفردوس فتراها تحت مواطيــها
أبشر بالخيـــر والسعد كان أنت مرضيـــــها
الويل لك لو تفكر تزعلـــــها و تعصـــــــيها
برها قبل لاتكتوي بنــــــار ماتقدر تطفيـــــها
ولو أفنيت عمرك كله في حقها ما يوفيـــــها
الله لا يحيجــــها لك و لا لغيرك و يغنيـــــها
و يحرم وجهها عن النار ويحفظها و يعافيها
ياعلها تتنعم بجنات عدن تضيع فيها خطاويها
وياعلها من ماء زمزم نبيك بيديه يرويــــــها
و يــاعل ربي من ثمار جنتـه يطعمك و يعطيها
وأدع ربك بجنات نعيم يجمعك فيها و تحاكيــها
أحزانــك اكتمـها عنها وعن النــــاس و أخفيـها
و إبتسم لو فوق رأسك هموم الدنيا و بلاويــــها
ترا ما يوجس حـــر النــــار الا رجل واطيـــها
ســاري