وحنآ صغآر ..
زرعنا في تراب الحلم ... حلم ويشبه العصفـور ..!
لكن طـآآر..
وكنا صغـآآر ..
ويتفتـّح صباح ٍ غارق بغيّه مثل تفتيحة الأزهـار
ولاندري متىآ نمنـا!؟
وكم نمنا..!
وش اللي صـار !!
امـان ودمعة استغفـار !!
وريحك يارغيف امي ..
سوالف هـآدئه واشعـار ..
وأفطر مع اخواني ..
وتفطر عيوني وجه ابوي الدافي الحاني ..
واصك ّ زرار !!
وآخذ ( حُبّه ) من أمـي ..
وفي يدي " ريال" .. !
وآخذ شنطة أحـلامي على اكتـافي ..
واصحّي بـخطوتي درب طويـل ومظلم وغافي!!
وتصحى اشجار !!
واروح امشي لـ مدرستي ..
واناديها :
يامدرستي ..!
علامك ماتنفستي!؟
سوالف طفل ضحكاته أناشيد وغنا وامطـار !
متى نرحل عن اسوارك .. ؟!
بعد ماكنـّا شطـّارك..
نبي مره ولو مره نحس ّ إنّا غدينا كبـار !!
هِنا كانوا لي اصحابي ..
هنا ضاعوا مع العـابي ..!
هِنا ياكم نخبّي من براءة فـ علبة الأسـرار ..
وصرنا مثل ماكنّا نتمنّى
والغريب اشـ صـار ؟
[.. رجعنا كبار تنمنى لو إنّا بس بقينا صغـار ..]