حياكم الله
شاكر للجميع تواصلهم
استغرب كثير من المتابعين للبرنــامج في حلقة الثلاثــاء الماضي
بتجـاوز المونتـاج للعديد من المشـاركات المميزة التي تمت اجـازتـها من قبل اللجنـة
ومع الأسف كانت مشاركـة " راعي الروضـة " أحدهـا والأسبـوع القـادم سيتم تحديد
المتأهلين لمرحلـة الـ 48 وكلنـا أمل بأن يكون " أبو مازن " من المتأهلين رغم ما يكون
في اختيـار المتأهلين من محوسبيــات وغيرهـا خلف الكواليس ..!!
عمومــا ً هذه هي القصيــدة التي شارك بهــا الشـاعر في التصفيـات مع الشكر للأخ " راعي الأوله "
[poem= font="Simplified Arabic,4,chocolate,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أنت يا للي وجوده ما يشابه غيابه=في غيابه عذابي والسعد في وجوده
العمر في حضورك دوم يزهر شبابه=ويستقيم اعوجاج الحال ويرد عوده
يا وليفٍ سلب حالي ولا أحدٍ درابه=ولع القلب والنفس بغلاه معقودة
والله انك بعيني مالك أحدٍ يشابه=غير بدر السماء ومرايتك يالعنوده
هاجسي ياغناة القلب دنا .. ركابه=وانتوى يمك الرحلة يدور سعوده
فكر مغليك شوقه لك هو اللي سرابه=يم مر باعك اللي يذكر انك تر وده
دافعه قلبي اللي تسكنه يا عذابه=يا سعادة زماني فالسنين الجحودة
عاشقك جاك يحمل وسط قلبه زهابه=حب صادق وشوقٍ .. ما تحدد حدوده
جاك يا غاية المطلوب يشكي صوابه=وأنت في يدينك علاجه ويهنا رقوده
كيف لا وأنت شخصك كل زينٍ حضابه=زين كل البشر فالكون عندك بنوده
سحري اللون واصل الزين واصل الحبابه=لمحة منك للقلب المولع . وقوده
كان للزين صاحب فانته اقرب صحابه=وكان للزين بستانٍ فشخصك وروده
وكان للزين كلمة فانته اجمل خطابه=وكان للزين جيشٍ فانته اللي تقوده
وكان للزين عليا فانته اللي رقابه=وكان للزين وفدٍ فأنت وحدك وفوده
آيةٍ في الجمال .. وآيةٍ في المهابة=نجدي الأصل ومن الشام تذكر جدوده
والله انه لقلبي هو غِذاه وشرابه=لا تذكرت هرجه واحمرارة خدوده
جسمه الغض كم حيٍ حسد به ثيابه=وانشد الكم ذاك اللي تشرّب عضوده
وطول عنقٍ يداعبه الحرير ويهابه=وانفس الكنز وأسرار الهوى وسط سوده
من كثر ما هويته اعشق اللي وطابه=كل ارضٍ وطاها من غلاه معدودة
وهني التراب اللي يسمى ترابه=اشهد انه عن الألماس يفرق بزوده
والله أنى بدونه حي زاد اغترابه=دونه الخوف يكبر والأمن في وجوده [/poem]