[بن مغامس]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مرحوم ياللي رحل عنا وخلانا = خلا القيادة لعبدالله وسلطاني
يالله يالرب البريه تقبل دعانا = ترحم ملكنا فهد يا رب الاكواني
حنا عياله على ملتك ربانا = دستوره الشرع داحل كل شيطاني
الموت حق ولكن موته ابكانا = عشرين مليون صغار السن وشيباني
نذرف دموع الحزن تقول يتمانا = من حبنا له تهل دموع الاعياني
ما عاد نلقاه يامرنا وينهانا = الحزن عقبه على وجيه البشر باني
يبكيه يتمان ورمل وكل وجعانا = ويبكيه منهو عليه ديون غرقاني
حتى البحر شال ملحه منه واسقانا = وراع الدخل رغم قله للسكن باني
على التسامح وحسن الخلق مشانا = قبايل كلنا جيران واخواني
وعلى الامن والعقيدة حيل وصانا = يجزاه بالخير عنا عالي الشاني
وصحاري عمرت مدن بسكانا = مع خدمة لاجلها باشكال والواني
كل حي به مركز صحي لمرضانا = مع مدرسة للبني واخرى لولداني
حتى الزراعة بعهده جالها شانا = للمملكة سمعة في كل الاوطاني
ياعل قبره خضار مد الاعيانا = يشم به ريحة الكادي وريحاني
جنات عدن ثمرها بين الاغصانا = بأنهارها اللي شجرها منه روياني
وبجنة الخلد الى جينا يلقانا = من عقب يوم جميع الخلق به فاني
يا ربنا اللي نعبدك انت رجوانا = تجزي ملكنا فهد عنا بالاحساني
وتغفر لنا كلنا وجميع موتانا = يالواحد اللي نعدك ما معك ثاني
وصلو عد ماتهل السحب بأمزانا = وعداد شقر الرمل في طعس حمراني
على النبي القريشي نسل عدنانا = نبينا محمد اللي هدانا لدين رحماني[/poem]