[الملتمس]

عاشقة سدير 000 مسيتس بالخير 000 دائما روعة في اختيار المواضيع 00

وقبل ما اقول 00 وش لون بتصرف 00 احب اعلق على موضع ردة الفعل وسرعة ردة الفعل 00 وهذا للفائدة

في علم النفس فيه مصطلح يطلق عليه ( زمن الرجع ) ويقصد به : الزمن او الفترة الزمنية الي تبدأ من حدوث المثير وتنتهي ببداية الإستجابة 00 بمعنى ان الواحد منا اذا حدث امامه موقف معين 00 وبدأ الإستجابة له هالوقت اللي يفصل بين حدوث هالموقف وبداية التحرك هو اللي يسمونه زمن الرجع 00 مثال اذا كان الواحد منا واقف بسيارته امام الإشارة الحمراء 000 واذا اضاءة الخضراء بدأ التحرك 00 فالوقت اللي بين اضاءة اللون الأخضر وبداية التحرك هذا هو زمن الرجع 00

وتلقانا نقول على بعض الناس مثلآ فلان سريع البديهة 00 وهذا يعني ان زمن الرجع عنه قصير 00 وهكذا 00 وهذا المصطلح يستخدم في بعض القياسات النفسية 00

ارجو ان يكون فيما ذكرت فايده

والحين نرجع للموقف 00 انا بصراحة اتمنى انه ما يحصل 00 ولكن لو حصل 00 ما ادري بالضبط وش بتكون ردة فعلي في هاك الحزة 00 لأن التنبؤ بها صعب 00 واقرب شي هو اني احاول في اسرع وقت اخراجه من هالمكان والذهاب الى اقرب مكان منفرد 00 واشوف وش السبب 00وبعدها يجي التصرف المناسب 00

آسف على الإطالة ولكن الموضوع شيق 00

تحياتي لك عاشقة سدير 00 وللجميع