[وَدْقْ ,]

دخول مختلف ,

دخول يردّ الروح , حتّى الشاشة غير يارب لك

واحنا داخلين من ساعة دخلت امي الصالة ولقت على الطاولة لاب توبي قالت هذا جهازك طلع واجي إلا والله جهازي !

الله يسلمكم جهازي ماعاد يشحن خربان أغير سلك الشاحن 3 مرات ويخربون السلك الثاني أصلي ضمان وخرب الأخير أصلي طالبته من النت ونفس المشكلة وأتصل على المهندس وأشرح له مشكلة جهازي قالي إسم القطعة خربانة قلت بكم قال 600 قلت آخر كلام قال هذا آخر كلام وأقفل , قلت لأخوي وده للصالحية ولاكتبه ربي , وخليته يعبر شويات إلين ماعاد فيه أي طاقة وأرمية ماش فقدته وأكلم واحد من خيلاني وأشرح له قال أطلبي القطعة من الإمارات أرخص لك هنا لعّابين , وأطق في قوقل وأحصل الرقم ويالله يشبك أسمعهم مايسمعوني قال لا مو هنا محل قطع غيار أجهزة قلت عطني الرقم أنا من السعودية ويعطيني الرقم وللأسف صار ناقص , وأرجع لقوقل وأطقطق مره ثانية وحصلت موقع قطع غيار فالسعودية وقبل لاأقدم طلب إتصلت ورد علي وأشرح له مشكلتي قال قطع غيارك ب 100 قلت أنت وينك بالضبط ؟ قال الإحساء قلت أصلي ؟ قال إيه , قلت طيب التقليد بكم ؟ قال ماعندنا , قلت بكم تركبها لي قال مجانا! قلت زين أبيها انا بعيده عنكم قال أطلبيها من موقعنا وأرسلها بريد ممتاز مجانا ! قلت أبي فيدكس أضمن قال ممتاز أفضل وأأمن ومجانا , قلت إن شاء الله بشوف , قلت بتأكد من المهندس الي أتعامل معاه بيركبها لي أولا , وأتصل عليه قلت إسمع بجيب لك القطعه تركبها لي ؟ قال من وين بتجيبينها قلت ماعليك أجيبها تركبها ولالا ؟ قال إيه قلت بكم قال :80 قلت آخر كلام ؟ قال : 80 بس علميني من وين قلت من النت جلس يضحك , قال بكم ؟ قلت مو شغلك , قال أجل خذي جهازك خليه يركبها لك , قلت كان أروح بس بعيد , أنت بكم تجيبها وتركبها قال 130 الى 150 قلت اللحين بجيبها أرخص وتركبها أغلى ؟ قال بكم قلت 100 جلس يضحك قال خلاص وديه له هذا نسيت اقول بيركبها مجانا , قال ليه أنتِ خرب قلت من أسلاككم التقليد محلات سدير كلها تقليد بقهره أحسه قهرني قلت وجبت سلك أصلي قال من وين ؟ قلت طالبته من النت ويرجع يضحك قال أنت كلش من النت قلت أحسن منك تقول أصلي ورجع خرب قال بكم طلبتيه قلت 120 قال عندي 80 قلت أخذته منك وخرب لاتجلس تنصب علي , قلت آخر كلام كم قال كيف بتطلبين القطعة وأنتِ ماتعرفين أسمها ورقم الجهاز ؟ (على فكرة عف الخراب لأن وديت له الجهاز ) قلت ماعليك إلا شرايك أنت تطلع لي إسمها ورقمها وأطلبها بقهره أكثر , قال لا هذا فيه مشكلة قلت أنت بتركبها , قال لا , قال خلاص أجيب لك القطعه لاتطلبين شيء من النت , عرف أن سوقه مراح يمشي , قلت آخر كلام بكم مع التركيب قال : 150 الى 130 قلت 130 قال لا خسارة قلت انا عميل لك متى بتخفض لي ؟ قال لا مشكلة قصدة مو أي شغل , قلت 130 وخف ربك , وبكم تزين لي سلك الشاحن قال اشتري جديد قلت مابي اشتري انا الي معي أصلي بكم تزينه لي قال 30 قلت كله 160 واخر كلام قال نشوف قلت آخر كلام مافي نشوف هذا سعرك , قال خلاص أطلعه لك الخميس أو السبت , اليوم الخميس ,

وأكلم أخوي , بكم قالك سعره ؟ قال أنتِ كم قايلك قلت أخلص علي بكم ؟ قال 160 كل شغله قلت زين فاد معه الكلام ,

والآن رجعت لي روحي ,