في موقع يدعي (روضة التنهات)عسكرت حملة ابن صباح ،، استعدادا للتوجه الى الصريف للقتال ،، وفي هذه الأثناء طلب الشيخ مبارك من الشاعر الكويتي الكبير حمود الناصر البدر ،، أن يقول قصيده بهذه المناسبه ويذكر بها المعركه وشدتها !
فقال له حمود البدر كيف أصف معركه لم تحدث ،، فقال له الشيخ مبارك أنظم القصيده والنصر لنا بأذن الله وكان لمبارك أهداف سياسيه فقال حمود الناصر البدر هذه (المعلقه) :
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياراكبين أكوار ست تبارا =فج النحور افحاز مابين الأزوار
قطم الفخوذ معلكمات الفقارا=كوم على كيم من القفر ضمار
جن من شرار ومن مضارب شرارا=عوص النضا العيرات ما جن بحوار
فتل العضا دار العصا لا تجارا=قطع الريادي ريد حسكات الاوبار
زرفالهن بين الجرى والطيارا=لولا اللواحي عانقن رقط الأطيار
مثل النعام ان ذير ثم استدارا=وجه على فج يبي منه معبار
ماحلى مدناهن لهن استكارا=الواقي الله يوم حسن بميثار
من روضة التنهات صبح النهارا=سجوا عليهن يامساويط الأخطار
الى انتحيتو والظلال استدارا=مقيال ياذربين الايمان مقدار
توليم بن حاكم به بهارا=ماجوب فن الشاذلي حين يندار
زيحوا معشاهن وسجوا سهارا=غب السرى يلفن بكم دار من دار
ريف الضيوف ودار ستر العذارا=عبدالعزيز الشمري سر وجهار
تلقون زي زاهي واعتبارا=كار لخو نوره وحنا لنا كار
ان سال عنا في جنان تجارا=ماهمنا كيل المشارع والأسعار
في عشب خد زايف بالخضارا=في روضة التنهات وبنو مثوار
مسناد مايطري عليه انحدارا=مع رادة المعبود عواد الأطوار
قولوا وصات محمد بالقرارا=نسيتها سجيت ياعمس الأبصار
ناهيك عن طامي غزير بحارا=يوم هدى الطوفان طياش الأبحار
ماانذرك عن ثورة قوي المثارا=اللي الى من ثار تهتز الأقطار
تيار فوار الخطر ينتدارا=مير أنت ما أنت بيم حسنات الأشوار
أغواك ميشوم شعب لك ونارا=ما أظن أبو ماجد رضا منك ماصار
يدني لك الجرناس وانت توارا=عندك خبر داري بها الجد والجار
طاوعت من لاباع معكم وشارا=وماطعت من له راي عدل وتدبار
مرحوم يامن زارنا واستخارا=واعذر وعاف من السهم وابدى الأعذار
من شيدوا برزان حايل قفارا=قبلك تراهم قطعو دشن الأكوار
مسرد حكي مسرهد مستشارا=مااهبلك يامن لا تميز بالأشوار
العبد له بالشايتين اختيارا=والله فينا مايريده ويختار
من لا يجير أحد فلا هو مجارا=جر السبب يلوي لدورات الأقدار
صفوة صباح التغلبي مايمارا=ولا ينتجارى لا وعلام الأسرار
مقدامنا نمر وربعه انمارا=كم بذت الحكام شكوات الأشرار
لولب قفول مغلقات عسارا=فاروع من في هامته زور واسطار
من سير القطبين بالله وسارا=وجاله من القبله مواثيق واخبار
يطول هرجي واقصره بأختصارا=يجيك مثل السيل طمام الأوعار
زيزومنا وخلاف جند ونارا=مجعد صفا العايل حجا الدار والجار
مبارك اللي بناظره وان تمارا=طير السعد في مقرنه وين مادار
لولا علينا يجهلون الامارا=منا ولنا من هودايم الأعمار
أنتم حرارى من مواكر حرارا=وحنا عليكم من صواريم سنجار
وان كنكم شرهين وبكم نزارا=حنا بنا للضد والشر مسمار
(علوى) من أيمنا و (يام) يسارا=وان كنت كره اشرب قراطيع الأمرار
(علوى) الى دق الكبوس واستدارا=أهل الشرى والبيع في الموسم الحار
و(يام) من مثورة الجمل بالغبارا=انحاز الضديد ان كان سو الدهر ثار
مضحين والله ومرخصين العمارا=في شان عز الدار شاكوم الأشرار
ربع لهم بالموجبات اصطبارا=كان المحاجب طابقن بطن الأزوار
فيه الشهر بين الحمر والصفارا=يشدي زهر نوار مرجوع الأقفار
حيذور ياغب السرايا حذارا=شوكة شباب الحرب حاله تمستار
عده نصاك وكالفات الدهارا=امات نصف خشاب وطوال وقصار
ومسيلنات الموزري صنع دارا=ظرفات صنع اللندني بدفع وقرار
وجنس يجينا من بلاد النصارا=ماهن وراور واسمهن لولب النار
دفع يثور وضربنا بالقرارا=وخيرك تشوف افعال عطبين الأذكار
تم الجواب بختم رب الخيارا=أزكى صلاة الله على خير الأبرار [/poem]
وقد أثارت هذه القصيده بعد أن ذاع صيتها عاصفه قويه من المعارضه الشعريه بين عدد من الشعراء ،، فأمر بن رشيد بأن لا أحد يرد على القصيده حتى تظهر نتيجة المعركة ،،
إلا أن الشاعر الكبير صالح السكيني من اهل شقراء ،، وقبل المعركه نضم قصيدة رد على قصيدة شاعر الكويت البدر ،، لأنه كان يعرف قوة جيش ابن رشيد وأن اخو رثعه ماينسحب خوف من احد فقال:-
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياعلي جفني عن كرى النـوم دارا=كنه يحط بناظـر العيـن سنجـار
سهـران مالـي يانديمـي قـرارا=يامسندي وشلون ضاعن الافكـار
ناظر ركاب حمـود جتنـا تبـارا=ومشيّع ٍ مدحه على السيف بالكـار
ياعلي قـرب كيتـب لـي خيـارا=وسجلةٍ نكتب بها عـدل الأسطـار
نرسل جواب من حشا الصدر ثارا=مثايـل ماقالهـن كــل شـعـار
وخلاف ذا دنيـت نـاب الفقـارا=راسه الى شال الخطر تقل به زار
إنشر من الجمعه وتـال النهـارا=نطوك ورى وبرك يطلعن الاشعار
وانشد عن المطران وعريـب دارا=وسنّع مبارك منزله وين هو صار
تلقـاه بالصمـان دون الـزبـارا=يرعى بريضان زهت كـل نـوار
القول قبـل الفعـل مابـه ممـارا=والذم مايدقـم طويليـن الاشبـار
وقولٍ بلا فعـلٍ لـو قيـل عـارا=تراه مثل اللـي نفختـه بمزمـار
والكذب محدٍ فيـه بايـع وشـارا=يكمل ولو هو عايش كل الاقطـار
والصدق يوضي بالدجى له نوارا=والكذب مايرفـع عواميـد سيـار
طير البحر ماينوصـف للحـرارا=لو طار تلقونه على سيف الابحار
والخيل غمـق طنيهـا والمهـارا=والنار يقبس مـن مقابيسهـا نـار
تمدح مطير ويـام عنكـم يسـارا=في ضفكم يرعون من عشب الاقفار
لاشك لامن أشهـب الملـح ثـارا=هجّو وخلّوكم على جانـب الـدار
لابـد مـن يـومٍ يجيلـه كـرارا=تشوف ( علوى ) بأول القوم ذيار
جاكم ولد متعب ذعـار السكـارا=ماض الفعايل (..........) ودّمـار
لـه لابـةٍ مايلبسـون الــوزارا=ولا جمّعوهم من حساوي وبحـار
سلات اهل حايل عيـال صغـارا=لطامة العايل قبـل دور الأبكـار
ان سبلو بالكون جولـك نصـارا=قبيلهـم لاشافهـم يعطـي إدبـار
وبأيمانهم صنع العجـم والنصـارا=وموازرٍ تشبه هماليـل الأمطـار [/poem]
وكذلك ،، وقبل المعركه ،، وجيش ابن رشيد يعرض عرضات الموت ،، يقول نعيم الفرحان من عبيد الرشيد:-
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يــاهــلا الـغـالــي =يالابتـي أوي مـن لابــه
نـحـمــد الــوالــي=يوم ان عمّـي نـط مرقابـه
شــــال وإشـتـالــي=نبغي لحرب الشيخ واصحابه
نـلـبــس الـشـالــي=وان حل يومٍ فيه ضبضابـه
نـرحــص الـغـالــي=دون الجبل وخشوم صبابـه
ظـبــي الأسـهـالــي=من فعل ربعي تضحك أنيابه
غــــوش جـهـالــي=وان طب سوق الموت جلابه
طــقــه الـجــالــي=ولا لقـى شـيٍ يتهقـوابـه [/poem]
وبعد أن دارت المعركة الطاحنه بينهم ،، وأنتصر بن رشيد قال الآن الذي يريد أن يرد على قصيدة البدر فليرد ،،
فانبرى الشاعر سليمان الجمهور الشمري من أهل الزبيد ،، وتوفي حوالي 1361 للهجره ،، في الرد على البدر ،، بهذه القصيدة وعلى نفس الوزن :
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جنح الدجى جاشا به الفكـر حـارا=محتار مدري ويـن تنـدار الأفكـار
عفت الكرى ومجاضعـي للعـذارا=ياكن يطعن قومـة القلـب مسمـار
قبل البشيـر محيسـنٍ مـع نهـارا=الربع قسميـن بهـم بـارد وحـار
احـدٍ يقـول يانـاس الحـكـم دارا=لإبن صباح اللي ولى بـر وابحـار
واحدٍ نذر واحـدٍ حلـف بالجـوارا=ماصار مثلـه بالجزيـره والأقطـار
وحدٍ صعـد بالمـدح راس المنـارا=لمباركٍ لولا الحيـاء يامـلا صـار
إندر خماله وصار مدحـه خسـارا=اصبح وظنّه مابلغ عشـر معشـار
الحمد للـي بإيـده الأمـر صـارا=المطّلـع عالـم خفّيـات الأسـرار
بخـلاف ذا ياراكبـيـن البـكـارا=عيرات من ذروات حفّـات الاوبـار
خمس وخمس عيونهـن كالشـرارا=مافوقهن غير السفايـف والاكـوار
بسمحـات الأيـدي نابيـات الفقـارا=عوص النضى من نسل ذروات عقار
خص الخواصر مانشـن بالحـوارا=محنونيات ابليـل لاقـوس لاطـار
من جـاء لـدار خيـار مابالديـارا=هلا الزبيد اجواد و اكـرام واخيـار
مـادوّر النّـمـام فيـهـم نـعـارا=يخس الخسيس اللي بهم قال بـزوار
اولاد نجـدٍ بالفـخـر والمـمـارا=بالطيب وإلا بالـردى مالهـم كـار
ياركـب سيـرو بالنهـار الجهـارا=على عيون الناس لـوذو بالأكـوار
بالحزم عقب العـزم سيـرو يسـارا=خلو حسن بصري يمين عن الـدار
ياركـب هيلـو الحـذار الـحـذارا=عن نوم أو يـوم تقيمـون خطـار
ارخو لهـن الخطـم ليـل ونهـارا=حتى تجون حمـود بالـدار محتـار
اقـروه منـي بالتحـيـه وقــارا=ماجاء ليل وما سطع نـور الانـوار
وخوذو له الخاطر وقولـو مجـارا=ماجور يامكسور مـن غيـر جبـار
من عقب ماقيلـك عليـك إستـدارا=كيف انت مع ربعك على ضفوة النار
ياحمود مـن قيلـك بقيلـه تجـارا=تقدح وتمدح والفعـل مابعـد صـار
جورك ومكرك يابن ناصـر قـرارا=اخطيت ياعمس البصيره والافكـار
هل كيف تبني لك مـن الكـذب دارا=وتشيّد المبنى علـى درب الاخطـار
لاعاد مـال الملتجـي بـك قـرارا=لارحم ابو من دق بجـوارك جـوار
مبنى بنيتـه صـار ساسـه هيـارا=سوس على شافي شفا جرف وانهار
الكـذب بـه شـؤمٍ ولـؤمٍ وعـارا=بقولة ترانا مـن صواريـم سنجـار
عيال الحراير مثـل اباهـا حـرارا=وجميع طيـرٍ لاليغـرك وان طـار
هل كيف لأسـرار المغيـب تجـارا=ياحمود ليه أنهاك ياعمس الابصـار
لاعـاد مالـك بالعلـوم انتـظـارا=ولا انت بشيخٍ ياخذ الغلـب والثـار
تخـوض ببحـورٍ تلاطـم بـغـارا=بأمر الولي تنـدار بإقبـال وإدبـار
يرفـع وياضـع ويسمـع ويــارا=ويحكـم دواليـب بالأقـدار تنـدار
وينصر ويدمر والكسـر والجبـارا=بإيد الولـي قهـار دمـار الأعمـار
بالغيـب لـك رجـمٍ بليـا انتمـارا=حكمّت ربعـك بالحكايـا والاشعـار
الحكـم ماهـو بالمنـى والنـمـارا=إيضـا ولا بالطهبلـه توخـذ ديـار
والكذب مثل الجم وان نـزح غـارا=والفعل مثـل اليـم سيـار الابحـار
ياليت لـو مالـك لسانـك هجـارا=ماكان جاك من الشعر كثر ماصـار
ياليت ابو جابر من سنامـن لـوارا=حكمـه ولا سيّـر لنجـدٍ ولا سـار
وإيـزاه ربـع الفـا وعريـب دارا=واهل البحر والبدو يدون الاعشـار
ياحمود سرتو مـن بلدكـم بطـارا=وزمتكـم انفسكـم لحكـمٍ وتـدبـار
وثـرتُ وصـرتُ بالتمانـي نمـارا=وطابت لكم قطع الفيافي والاقطـار
بقوم بهـا مغصـوب واحـدٍ بكـارا=مابين بحري والحضر واهل الاهوار
قوم بـه الهيـا بـن ناصـر كبـارا=قبل الملاقـى تحسـب القـوم دقـا
غرتكـم المهلـه بلـيـل ونـهـارا=حتى انتهت مـده انفـاس واعمـار
يوم انت بالتنهات ترعى الخضـارا=ومربعٍ تقطـف زماليـق الازهـار
الحر خطو النوب يخطـي الحبـارا=والضان ترثع دام سرحـان ماثـار
ياحمود وين جنانـك اللـي تجـارا=ظنك بها تغذي شجرهـا والاثمـار
اصبـح ماهـا غايـرٍ ثـم غــارا=قبل المساء غارت وشبت بها النـار
تقـول مايطـري علينـا انحـدارا=تبـون حايـل مـع قفـار لكـم دار
خاب الرجاء فيكم وصـرتُ أسـارا=واحدٍ دفن واحـدٍ معشـى للأطيـار
خدراتهـا دار الفـلـك واسـتـدارا=هـبـن ولام وداركــم دور زوار
جاكم بلاكم مـن هواكـم وصـارا=نهاركـم ليـلٍ وضاعـن الافكـار
بين الصريف وبين هـاك الزبـارا=حقّت ولا بقّـت لكـم عيـن ديـار
ان كنـت واعـي فانتبـه لاتـوارا=هيهـات مالدرهـم يشاديـه دينـار
المـدح ماطـوّل شبـورٍ قـصـارا=والـذم مايدقـم طويليـن الاشبـار
تمـدح مبـارك ياعشيـر السكـارا=قبل الفعل لـه رمـع زودٍ وتدبـار
وحنـا لمدحـه مانقولـه جـهـارا=إلا لفعـلٍ يابـن ناصـر وتـذكـار
ماصار مثـل الضيغمـي بالبكـارا=إليا أقفى على عين المعادي بالأدبار
لابـد لـه مــن دورةٍ وافـتـرارا=مراكـب تفتـر وعيـون واسفـار
إليا أرجفت معـه السبايـا وغـارا=يشبه لهاتيـك الهواجـر وألأنصـار
حالـو ولا زالـو وجالـو حـذارا=وهدوّ ولا ردوّ لك الله عـن الحـار
هـذا فخـر سكـان حايـل قفـارا=ظنك بهم ماكمّلـو دشـن الاكـوار
مـن فعلهـم يـدوّر قـوي المثـارا=خلوّه يرغي عقـب ماكـان هـدار
من عقب مايدعـى اميـر الإمـارا=والناس بأمره بالبـراري والأبحـار
واليـوم دخّـل بالمنـاور نصـارا=اللي براسه طاح من زود واخطـار
هذا الفخر ياحمـود هاللـي يتمـارا=فعل ( الرشيد ) اللي رأيته بالأبصار
لا لاطلو وجهـك سـواد وسمـارا=حيثـك خبيـث وداري مـار مكـار
وحاطت بكـم خيـل عليهـا نمـارا=ضياغم جوكم علـى قـب وامهـار
سلّو وولّو فـي سيـوف النصـارا=مع صنع ابن باني للأرقـاب بتـار
قـوم علـى قـوم عبيـد وحـرارا=بكبودهـم مـرٍ وبقلوبـهـم نــار
قـومٍ لأخـو نـوره بليـل ونهـارا=ياطون لو ياطا شخانيـب الأوعـار
قـومٍ تفـت الكبـد هـي والمـرارا=حريبهم يشـرب قراطيـع الأمـرار
قومٍ لهـا بقلـوب الأعـداء ذعـارا=تشفي غليله مـن قبيلـه الـى ثـار
قـومٍ تراهـا مـن طناهـا سهـارا=على الحكم عيّو بالأملح عن الـدار
قـومٍ لهـا عـزٍ ونصـرٍ تـبـارا=ياعل عـزه بالجزيـره والأقطـار
قـومٍ لهـا يـومٍ تبيـع العـمـارا=منول البضر بسيوفهم تشتعـل نـار
قومٍ ربـو بالحـرب ماهـم تجـارا=مالها خختشن المعـارك والاكـوار
قـومٍ بهـا زومٍ نـهـار المـثـارا=إليا اذكر حربهم عند حلو الكرى طار
قـومٍ لهـم منـي سـلام ووقــارا=جميعهـم مابيـن جهـال وصغـار
وصلو علـى سيـد قريـش وقـارا=مالعلع القمري على روس الأشجـار [/poem]
---------------------------
وبعد المعركه ،، يقول العزي وهو عبدالعزيز عيسى الهذيلي راعي البرّه من قبيلة مطير (وله قصه طريفه) انه قبل ماتشتبك المعركه قام مبارك الصباح يشاور شيوخ الجيش اللي معه ،،
فقال العزي انا طالبك ياشيخ ان صوتي هو التالي قال مبارك وصوتك هو التالي فشاور مبارك خوياه والتفت وقال هاه يالعزي وش عندك ،،
قال ياطويل العمر انتم تعرفون عبدالعزيز ؟ بكم احدٍ شافه؟
قالو حنا جايين نشوفه (الحرب)
قال العزي ياطويل العمر انا شفته قطعت مرات ،، الوجه اللي انا شفت هو يجيكم ماهو انتم تجونه ،،
يقولون ان مبارك بصق في وجهه على الفال اللي ماهو زين وما هي إلآ لحظات وتصدق فراسة العزي يوم الجنازه هو اللي غزاي عليهم ،،
يقول العزي راعي البّره :-
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يامزنـةٍ غـرّا نشـت مـن مغيـبـه=ترعد وتبـرق ساقهـا رب الأربـاب
ترمي الصخب شرّه على من تصيبـه=بأركانها تسمع كما ضرب االأطـواب
طمّـت وعمّـت وإدلهمّـت غضيبـه=واستثقلـت باللـي لـلأرواح جـذّاب
تبغي الحريب اللي دنـا مـن حريبـه=ابن صباح اللـي تعـرض للأسبـاب
دوّر وجمّـع مـن تـردى نصيـبـه=بأهل الكويت وكل من كـان خشـاب
ومن كـل غـواصٍ وسيـبٍ يجيبـه=واللي يحزمون السمـك زام حـرّاب
وبعريـب دار وكـل مـن يرتجيبـه=وراع النفاق ومـارق الديـن ماغـاب
وجموعة العجمـان واللـي حظيبـه=مع الدويش ومن ولاه مـن الأجنـاب
والمنتفـق وابـن شـريـم ونسيـبـه=وسكانـة النقـره وسالـم وغصّـاب
حـل المنـاخ اللـي عليهـم دعيبـه=كل ديرتـه يحـذاه جـلاب الأجـلاب
يبغـي مناصيـبٍ تحـدر غصيـبـه=وعنـده مناصيـبٍ تعلـت بـالأرداب
واللـي دعـاه وساعـده مايخيـبـه=يومه (........) وفي مامضـى تـاب
عنـه السبايـا والسـرايـا بغيـبـه=واللـي يـروون المراييـش غيـاب
والله ماصـدو عـن الــدار هيـبـه=مـار انهـم ياتايـه الـراي أجنـاب
عنده نـزل حـوض المنايـا بطييبـه=عوق الحريب اللي اذا زيـر ماهـاب
سيّـر عليهـم بالجمـوع الصليـبـه=جيشه مـع المسيـوق يحـداه الآداب
ثار الدخـن والعـج وإنجـال خيبـه=والشمس عنهـم كنهـا تقـل بحجـاب
نـوٍ يـروّع بالخضـيـراء حنيـبـه=خص الجموع اللي عليها السماء زاب
فيـه الـزلازل والمنـايـا تجيـبـه=ومزن الغضب ضرن على كل منصاب
وفيهـا مخابيـصٍ وبـرقٍ مصيـبـه=وحتى الرعد به حس عدلات الإجهاب
ورمـى بحمـران النواظـر حبيبـه=ضياغمٍ من فوق طوعـات الأرقـاب
رمـى لهـم مثـل العساكـر خشيبـه=بصمـعٍ وثـلاثٍ وللمـوت أسـبـاب
إليا حلت البلـوى علـى مـن بليبـه=ينفـك للمبلـي مـن الله ميـة بـاب
يذكر لنا فـرز الوغـى شـق جيبـه=ونذر وحرّم عقـب رميـه للأسـلاب
حظـر الجبـل ردو لهنـدٍ عجيـبـه=هندٍ مفاتيـح الفـرج عنـد الأكـراب
فـي ساعـةٍ وادع حبـيـبٍ حبيـبـه=وردو خطاة العمر مخطـاه ماصـاب
تخالطـو مـن كـل كـفٍ ضريبـه=لمـا غـدا مابينهـم تـقـل حـنّـاب
حريقـةٍ مايـبـرد الـمـاء لهيـبـه=مثل السعايف عندك الجمـع لاعـاب
ويـن القنيـب اللـي يميـز قنيـبـه=بـرقٍ ودخـانٍ وعــجٍ وسـكـاب
شيّب بهـا اللـي مابعـد حـل شيبـه=وغـدا بهـا شبّـان الاولاد شـيّـاب
يـومٍ علـى الباغـيـن ماينحكيـبـه=عثا بهم طير السعد غـوج الأطـلاب
عجرٍ ثـلاثٍ بـه والاخـرى عطيبـه=ماهاب والموت الحمـر لـه تلهّـاب
غريو هلا النقـره مـع شلـة دبيبـه=لومك على اللي أدبرو عنـك هـرّاب
جابـوك شمـر ياطويـل الذويـبـه=بين السبايـا وبيـن عذبـات الأنيـاب
ياللـي تقـوده قـل حـقـه غديـبـه=مع وقعة البـرّه ومـن كـان طـلاب
ومـن لاعليـهـم حـجـةٍ يدّعيـبـه=ذا موسم اللي حاضره سد مـن غـاب
ياذيـب سفـوه نـاد ذيـب القريـبـه=وإجذب من السلمان والحزل وإنصاب
وإجذب من سبـاعٍ بالمقاطـع مغيبـه=وإجذب من السوده للجوف والضـاب
وباقي السباع الغايبه ويـن هـي بـه=إقنب لهـا ياذيـب فـي كـل مرقـاب
يلحـق بـهـا سـبـعٍ رديٍ نديـبـه=وشهب النسور وكـل فـرّاس بالنـاب
ولا تفـرس إلا كـل بيضـا سنيـبـه=إفـرس مشاكيـلٍ وزلبـات وركـاب
مثل الهشيـم اللـي بفيضـة شعيبـه=هشيـم طلـحٍ كـل الايـام عـيـاب
بأرض الصريف اللي وطاها وطيبـه=شرق وشمـال وقبلـةٍ عنـه معـزاب
الضبعة العرجاء غـدت بـه رطيبـه=وكل السباع الضاريـه كيفهـا طـاب
ياويـل عمّـي جرّهـا مـن حسيبـه=(....) علـى الرمـش شقّـن الإيـاب
شيـخٍ يراعـي يـوم حـزّة نشيـبـه=على جموعه من المغليـن ضبضـاب
من فوق جال مثـل وصـف الرقيبـه=خيالـة الشرفـه ومحـدٍ معـه تـاب
زلفاهـم الـدجّـال نـقـرة نشيـبـه=نـار المسيـح وذل يلحـق بمطـلاب
من فـوق حـرذونٍ يحـز الشطيبـه=بفقر الوقارى رادفـه عقـب ماشـاب
في فرصـةٍ حـدر الدجـى مادريبـه=قب السلاح وبـدّل السيـف مشعـاب
والغـوج خلـي مالقـى مـن يجيبـه=عند ابن شايم مالقـى الغـوج ركـاب
عاضـوه بالحـوّى فيـاضٍ عشيبـه=مايشبع الرجال مـن عشـب عشـاب
ذكـوه فـي ديـرٍ كبيـر المصيـبـه=تسعين ليلـه مقعـد الشيـخ ماطـاب
دار الفلـك ياللـي هبوبـه مجيـبـه=شيـخٍ يريـد الحكـم ماهـو بنهّـاب
على النقى يـرد النضـا مـع شبيبـه=لابان فـي قـوم المعاديـن مضـراب
كونـه صـبـاحٍ مـايـدوّر عقيـبـه=من غب كونه ينصب السوق حسّـاب
إيضا الدواسر كـون وإيضـا عتيبـه=واللي حضر منهم عن اللي مضى تاب
كون ابو متعب مع صديقـك يصيبـه=قوم ابن مرشد صابهم مثـل ماصـاب
جاب الله الديـدب وهـو ينثنـي بـه=عشـىّ ولا بقـىّ بهـم كـود نجـاب
سـرى وبّـدل كـل عوصـا نجيبـه=تجوير ربدا دوّلـت عقـب الأعقـاب
وشبّ الفنم للـي مشـى يقتـدي بـه=طـوال ليلـه قـاريٍ تقـل مشهـاب
وصوّت لمـرزوق (........) لعيبـه=وتعاقـب الترديـد شطريـن الألعـاب
عزّي لكـم ياهـل الجفايـا المريبـه=من ليلةٍ يصبـح بـه الجيـش ريـاب
واللـي تنصـاه النقايـض غديـبـه=قوم الغبينـي وابـن عرنـان وذيـاب
هـذاك مقطـوعٍ وهــذا مصيـبـه=متوسـطٍ شـرّه تواضيـت الأعـراب
والسبـر ماعقـب المغيـره نبيـبـه=ذاقو به الفدعـان مـن كثـر مـالاب
خلـي نصـي رمـاح قفـرٍ رطيبـه=من عقب كون سبيع للصيـد ملعـاب
سعـدونٍ مـن كـونٍ فنيـعٍ بقـيـبه=يالله حصل للمنتفـق عتـق الأرقـاب
لاتـامـن الـدنـيـا ولا تلتهـيـبـه=تقبل وتعطي عنـد الإقفـاي عرقـاب
أليا أدبرت قصـت محـوصٍ قطيبـه=وان سانعت أدنى شريـطٍ لهـا جـاب
السيـل ماينـزل مجـاري شعيـبـه=ولا ينزل الوادي إليا صـار مجنـاب
واللي صديـقٍ لأخـو مريـم شفيبـه=بدل مقـرّه عقـب الإشمـال إجنـاب
الحاكـم اللـي بالمنـاور صحيـبـه=ماعاد يطلع بيرقـه مـن ورى البـاب
حتـى لذيـذ النـوم مايهتنـي بــه=بالليـل زامـاتٍ ورى بابـه أبـواب
واللي يبي شـر الضياغـم بلـي بـه=واردى ركابه بالمشـاري والاطـلاب
زبن العطيـب اللـي جذابـه هليبـه=يـوم السبايـا عندنـا تقـل ملـعـاب
به من ذراها مـن لواهـي صحيبـه=وياصل حتى لو على الطاس فلهـاب
على العدى سمٍ إليا مـن إشفـي بـه=والسـم نـدرٍ ماتداويـه الأطـبـاب
وللصاحب أحلى للجسـد مـن حليبـه=وأحلى من السكر على كبـد شـراب
يعنـى لفضلـه بالسنيـن الجديـبـه=يرّبع بـه الممحـل سنيـنٍ بالأجـداب
شيـخٍ عطايـاه المـهـار العريـبـه=وجيشٍ وليـراتٍ إذا جـوه الأجنـاب
شيـخٍ أذا سمـع الخطـا مارضيبـه=يحـط للدايـج بـالأسـواق نــواب
والخاتمه مـن عقـب ماقـال اجيبـه=وشهدو عليـه اللـي بالأقـلام كتـاب
اخـزاك ياعـلام ذنـبـي وعيـبـه=والعبد يذنـب وانـت يالـرب تـواب
وصلو علـى طـه عسـى يستجيبـه=يشفع لنا بالحشر فـي يـوم الحسـاب [/poem]
وشكراً لكم ،،