الشاعر عبدالعزيز الجلعود يشتكي من انقلاب بعض المفاهيم والاعراف في وقتنا الراهن
وشفيك تشكي دنيتك ياعسى خير
تشكي الزمان اللي تقاصر مقاسه
يابن الحموله حالتك غير في غير
هذا الزمان أعلن علينا أنتكاسه
وحول علينا جايعات العصافير
وقامت تخمشنا يدين البساسه
والبعض قام ينير / ويغير/ ويدير
ويامر وينهى والعصا في خماسه
وابن الحموله يكفخ / وده يطير
مير الزمن فتّل حيوله وحاسه
وليت ياوقت تحدر تحادير
دربا عزيز القوم من فوق راسه
صار البقر غالي بسوق المطايير
والخيل عوّد يرخص وقل ناسه
والشين زين وصار بالعقل تحيير
وقامت ترامى بالعيون النجاسه
وصارت حياة الناس ياناس تنفير
ومليت من كثر الحكي والسياسه
والحر حر ولو لوته المقادير
يصبر على مرّ الزمان ابحماسه
ولو شاف عوجا تنتظره بحذافير
يقول بدري ننحني ياطفاسه
كل الود