وهذه القصيده في رثاء عمها الشيخ سلطان بن محمد بن سلطان المعجل المتوفي عام 1417هجريه..رحمه الله تعالى \
[poet font="Simplified Arabic,14,firebrick,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
المجمعه يا عم ترثيك ترثيك=وسدير والفشخا وروس القبايل
ترثيك طبعاً كل ما حل طاريك=وتجدد بذكراك شيخ الحمايل
ياللي رحلت الجمعه الي مضت ذيك=يوم مبارك يا كريم الفعايل
نغليك ثم يا طيب الذكر نغليك=والموت حق ولو تتقيت طايل
كم طال من قبلك ملوك المماليك=والروم يا عمي وكل الفصايل
والي بقى من سالفه عهد ذوليك=حرف مسطر دونته السلايل
ولأجلك أنا يا عم قررت أبحييك=بالذكر دام الذكر عطر الأصايل
وارجي العوض في نسلك الي انفجع فيك=واحفادهم تحفظ لما كنت قايل
تردده باشعاره شعرك ذخر فيك=رمز الوفا رمز الفخر والمثايل
شعرك مسطر في دواوين تبقيك=مثل المطر لا هل وبل المخايل
[/poet]