أكتب لك وحبري يخالطه دمعي
أقولك تعبت أنساك...
أحاول أنساك وأقول ما عشت معاك
بس ما أقدر
الواقع ما يغيره أحلام وأماني
أرجوك....
ضاعت معك أيامي وكل أحلامي
وين راح الحنان واختفت كل الألوان
ما أشوف إلا السواد وما أشوف إلا الوهم
ما أحس إلا بالقهر وما أحس إلا بالندم
أرجوك....
عطيتك كل الوفاء وما عطيتني إلا الجفا
هجرت كل اللي أحبه وما رضيت إلا بحبك
هجرتني بدنيتي وتركتني مع ظلمتي
وين الوفاء وين حنانك
وين عهدك وين ميثاقك
ليه يا أعز البشر طعنتني
ليه تنسى أحلى أيامي وحلاوة ميعادي
تدري ....
آآآه لو يرجع الزمن والماضي وذكراك الدفين بقلبي ما أتذكر إلا أحلى أيامي
آآآه يا رجل تمنيت ما عرفتك ولا شافتك عيني
لكن أبي أشوفك لحظه من عمري بس ... أبي أبوس راسك ويدك
وأقولك ...
روح عسى الله يسامح أفعالك
ماني قايلك روح عسى الله يجازيك
كنت أول أقولك ... نسيت أنساك ...
واليوم أقول ...
... تعبت أنساك ...