[نور الأصايل]

هذي القصيدة كتبها الشاعر الامير بدر بن عبدالمحسن في الراحل صاحب السمو الملكي الامير سلطان بن عبدالعزيزرحمه الله قبل 14 سنة يوم سافر للعلاج في الخارج .

الليل هـود واكهـف النجـم لغيـاب *****قضى الحديـث وودعونـا المساييـر

احد" قفل من دون هوجاسـه البـاب *****واحد" غدت جـدران بيتـه تفاكيـر

ياساكن الهوجاس ممساك مـا طـاب *****راحـت مجاهيـم" و جتنـا مغاتـيـر

لا والله الي ضامنـا بعـد الاحبـاب *****والشـوق ظالـم لا تعـدا المحاذيـر

احبابنـا الـي عقبهـم كننـا اجنـاب *****لو ما جفتنـا الــدار دار المناعـيـر

ليت الثلاثا ما انكتب يوم فـي كتـاب *****من غبت ياجبـر القلـوب المكاسيـر

كل ماذكرته قمـت للوصـل طـلاب *****وقلت القطاعه في هل الرحم تقصيـر

وين انت ياغيث" من الجـود صبـاب *****يمينك اكرم مـن سحـاب" مزابيـر

وين انت يا معتق من الحاجة ارقـاب *****يظاوبـك لطـف" وحكمـة وتقديـر

قالو مريض" وقلت نشفى الى طـاب *****قالـوا بعيد و قلـت حنـا المعاثـيـر

والله لو تطوى له ابحور واهضـاب *****ماهو جزى له مير للشـوق تصبيـر

انا اشهد ان الحب يكتب لها اسبـاب *****وماكـل قـاع" فيـه تنبـت نواويـر

ياشيخنا تكفيك لـو ضحكـت النـاب *****وشلون وانتـه ماتحسـب المخاسيـر

لا والله الا ظامنـا بعـد الاحـبـاب *****والشـوق ظالـم لاتعـدى المحـاذيـر

واحبابنا الي من عقبهم كننـا اجنـاب *****لو مـا لفتنـا الـدار دار المناعيـر

حنا مثل غرس" سقـي ديـن وآداب *****وتاريخ من فعلـه تعـدى الاساطيـر

وقت الرخا نرجى وفي الحرب ننهاب *****ولاجا لزوم الشيـخ حنـا المذاخيـر

كبيرنا في السن نحسب لـه حسـاب *****وكنه مع الي سابـق" سنـه اصغيـر

انتم عمود العز وحنـا لـه اطـناب *****نزثى ولو هبـت هبـوب ومعاصيـر

وارض الجزيرة مابها ربع واغراب *****الاصل واحـد والشـرف والمقاديـر

والله فـوق الكـلّ والشـرع غـلاب *****حب الوطن من حب والـي التدابيـر