[أسد نجد]

جرت أحداث هذه القصيده في حدود عام 1230هـ أو 1240 هـ

في مره من المرات جو مجموعة من الحريم ثلالث حريم ومعهن هاك البنت بنت جميلة تبي تتزوج أخر الاسبوع

أو عقب شهر المهم جايين يتقضون لها ويأخذون لها مقاضي عرس وإلا فعلاَ بنت جميله جايبينها من البر متعافيه بالحيل

يعني عمرها أقل من العشرين لكن ما شاء الله عليها جسم وصحه وفيها حياء ودلال وهماها لا صارت معهم وهي داريه

عن روحها أنها بتزوج يغلب عليها الحياء, ودائماَ تطمن عينها كل ما عرضوا عليها سلعه يبون يشترونها لها حتى ولو

أنه ما هوب في خاطرها تقول ايه وتسكت وتأخذها ( والله اللي مهيب بنات الحين تقول وع في وجهك )

المهم يالربع جو مجموعة هالنسوان يدورون في السوق يأخذون منه الديرم والحنا والكحل واللبان ومااللبان والطيب

والعود والجاوني والبخور هذي تباع في مكان الحالها ومشط خشب يشترون لها مشط الخشب عشان تكد رأسها

المهم جو يتقضون وقعدوا عند راعي ذاك الدكان يوريهم شوفي ياخاله هذا يسمونه كذا وهذا كذا , الحاصل قام يعرض

عليهم وهن قاعدات الحريم واحده منا وواحده منا وهي بالطرف يورونها شوفي يابنتي هالقماش تراه زين ويفلٌه لهم

راعي الدكان ويوريهم اياه ويقول شوفوا هذا وهالنوع من القماش وهذا ديرم

ويكذب لإنه عندهم مثل راعين البيع والدكاكين يقولون الكذب مسامير السلع , ويدرجها حتى لوانها ماهيب شي فيقول

لهم هذا توه جاي من الهند وهالديرم صبغته طقتين ويغدي البرطم ادعم والكحل ذا مشيت منه والعين تغدي تهبل ويمدح

وبعض أهل الدكاكين الله يجيركم لو يمدح عجوز أعرست .

الحاصل أنه يوصف لهم ويوريهم والبنت قاعده بالطرف وهالبنت ماهيب لعب عينها من ورا البرقع وهدبها يمشي عليه

الجربوع ما شاء الله وصحه ومتعافيه وإلا يوم حيرت الناس كل اللي يمرون منا مع السوق سوق الحسا تخبرون عامر وكل

من مر وشاف هالبنت قام يتمرمر من عند هالدكان , وصارو ياقفون اللي معه سبحه واللي يناظر واللي يسوي نفسه يكلم

واحد من ربعه ويقول وقف أعلمك (طيب ما ينفع تعلمه إلا عند باب هالدكان) تقدمو شوي وعلمه قال لا دقيقه أخاف

أنسي الهرجه وصار يردد الحكي عليه كيف الحال طيب كله بس يبي يناظر وإلا ما عنده سالفه ( ياشينكم يالرجال اذا إن

سبهتو على حرمه تضيع علومكم ) وإلا فعلاَ جمال وتلفت الانتباه حتى قعدتها ووقفتها ومشيتها غير , هبلت هالناس

الحاصل صار على راعي الدكان ضول ظلوا عنده الناس وصار كل من جاء قام يتهايق , وفيه راعي دكيكين متشطر

هناك في جنوبي السوق وراعي هالدكان هذا ابن حلال أجودي معه مهفه وقاعد في عاير هالدكان وماعنده بضاعه

يجون عنده ربعه يسولفون عليه لكنه شاعر بليغ الحاصل شافوا اللي في الدكاكين هناك الظول من بعيد ولا يدرون وشو

وكل من جاء مار مقبل سأله قال وش هالظول اللي هناك قال ابد والله ما أدري وشي أحد يعمله وأحد ما يعلمه المهم

كل من سأله عن هالظول اللي هناك وشو قال ماأدري والله , وآخر شي قالوا رح ناظر تشوف انت بنفسك وهو يصك

دكانه ويحط غترته وراء وجاء يمشي ويوم أقبل وشاف الظول وفعلاَ ظول ويوقف ويطالع و يوم شافها وإلا شوفتها

تهبل وأخذ روحه وراح وقال هالقصيده التاليه ...

أســباب ما هـيـظ ضـمـيـري وهـاجـه = صـبـح الـثـلاثـاء والـخـلايـق يـدوجـون

مــــريــــت ظــــبــــي يــشـــتـــري لــــــــه حــــواجـــــه = عـــلــــيــــه نـــــــــــاس واقــــفــــيــــن يــــظــــولــــون

نــــشـــــدت وش هـــالـــظـــول قــــالـــــوا تـــــواجـــــه = وايـــــــق تـــشــــوف بـعــيــنــك الـــلــــي يــشــوفـــون

أن كـــــان مــالـــك فـــــي هـــــوى الـبــيــض حــاجـــه = اقـــضــــب طــريــقـــك خـــــــل فــــاتــــن ومــفـــتـــون

بــغــيـــت أســـيــــر وصـــــــرت قـــضــــاي حــــاجــــه = نـــــفـــــس تـــوازيـــنــــي مـــواثــــيــــم وغـــــبــــــون

وجـــــــدك عـــلــــى مــــــــال تــنـــوشـــه ســمـــاجـــه = مـــــا يـشـتــهــي الـفـتــنــه فـــتـــى كــــــود مــجــنــون

قــــمـــــت أتـــهـــايــــق لإن مـــــثـــــل الـــســـراجــــه = ظـــبـــي حــجــاجــه بــأحــمـــر الـــمــــوت مـــقــــرون

يــــبــــرم عــلــيــهــم فــــــــي طــبـــوعـــه غــنـــاجـــه = يــحــيــون مــــــن غــنــجـــه ومـــــــر(ن) يــمــوتـــون

يـــغـــضــــي إلا قـــــــــــذوه ريـــــــــــم الــفـــجـــاجـــه = وإن قــــذهـــــم بـمــلــجــلــج الـــعـــيـــن يـــغـــضـــون

حــكــيـــه قــــروضــــات تــــقــــل فــــــــي حــجـــاجـــه = قــــــــــــوس يــــــجــــــر وقــيــنــتـــيـــن يــــغــــنــــون

قـــوســــة جـبــيــنــه والــــوتــــر فــــــــي حــجـــاجـــه = وعـــيـــونــــه الـــــلـــــي بــالــمــقــاديــر يـــــرمـــــون

لـــــو أن هـــــدب عــيــنــه شـــجـــر فــــــي زراجــــــه = شـــفــــت الـــجــــوازي فـــــــي ظـــلالــــه يــقــيــلــون

مــــابــــه مــــــــن الــمــنــقــود كــــبــــر الــحـــلاجـــه = إلا عـــــيـــــونـــــه لاســـــــطــــــــو مـــايـــعـــيـــقـــون

بـــــيـــــن اعـــتـــدالــــه لامـــــشـــــي وانـــعـــواجــــه= غـــــصـــــن يـــمـــيــــل وخــيــمــتــيــن يــشـــيـــلـــون

قــــلــــب جــرحـــتـــه تــبــتــصــر فــــــــي عــــلاجــــه = يـــاكــــود مـــــــن طــيــبـــك جــــروحــــه يــطــيــبــون

وش ذا الــتــمــخــطـــر والـــتــــعــــب والـــــدواجــــــه= تـــجــــوز مــنــهـــا فــالـــبـــدو عــيــشــهــم هــــــــون

تـــلـــبـــس مـــلابـــيــــس الـــبـــهــــاء والــبــهـــاجـــه= وعــــــــن الــــوســــخ مــاتــغــســـل إلا بـــصـــابـــون

وتــشـــرب مـــــن الــمـــاء بــــــارد فــــــي زجـــاجـــه = فـــــي روشـــــى عـــــن واهـــــج الـقــيــظ مـصــيــون

أو مـــــــا وهـــــــو يــضــحـــك وطـــــــرب مـــزاجــــه= يــاهــيـــه ويـــــــن اذنــيــنـــك الــــلــــي يــســمــعــون

حـلــفــت لـــــو اعــطـــي الـحــســاء مـــــع خـــراجـــه= عــــلــــى بــيـــبـــان الــحـــضـــر مــــــــا يــصـــكـــون

عــنـــدي أحــــــب مــــــن الـــقـــرع مــــــع دجـــاجـــه = هـــــيـــــم مــجـــاهـــيـــم بـــالاقــــفــــار يـــــرعــــــون

واحـــــــب مـــــــن لــــبــــس الــعـــبـــي والــعـــلاجـــه= شـــاويــــة شـــقــــراَ بـــهــــا الــــشــــوك مــــدفــــون

عـــــــــن الـــحـــلـــو عـــــــــد كـــثـــيـــر هـــمـــاجــــه = ا كـــــرع بــرأســـي فــيـــه مــــــن غـــيـــر مـــاعـــون

ومــــــــن الــــبــــدو عــــلـــــج يـــــــــدرج نـــعـــاجـــه = ولا ســـحـــاقـــي مـــــــــن الــــــــــورس مـــــدهـــــون

كـــــــــل يـــنـــاظـــر عــيــنــتـــه فـــــــــي زواجــــــــــه = تـــــــرا الـــبــــدو مــاهــمـــب لــلــحــضــر يــبـــغـــون

واقـــفـــت ســـــــوات الــســيـــد عـــجــــل عــجــاجـــه = تـــقــــول أثـــــــر حـــضــــران ورقــــــــا يــعــشــقــون

حــــيــــذور كــــــــم يــــــــا راكـــبـــيـــن الـــحـــداجـــه = عــــــن الــحــضــر مــــــن مــكــرهـــم لا تـــصــــادون

يــالـــيـــت مــــــــن يــــضــــون لـــيـــلـــة زواجـــــــــه = يـمـشــي عــلــى الاصــابـــع مـــــن حــيـــث يــاعـــون

فــــــالا وعــــــوا بــــــي قـــلـــت قـــضــّــاي حـــاجــــه = وقــالـــوا مـــــن انـــــت قــلـــت أنـــــا دور مـــاعـــون

قـــلـــت الــمــواجــه قــــــال مــــــا مــــــن مـــواجــــه = اصــــبــــر عــلــيــنــا لــــيــــن اهــلـــنـــا يــــحــــدرون

والا فــهــمـــت كـــــــم عـنــيــتــك مــــــــن زنــــاجــــه = فــي شــرعــنـا قـتـل الـعـشـاشـيق مـسـنـون

م/بتصرف