السلام عليكم ورحمة الله وبركاته
رساله عاجلة الى اخواني الاعضاء والمشرفين........................
ياشباب بالنسبة لوضع منتدى الصيد والرحلات موهب عاجبني ولا عاجب أي واحد مسجل في هذا القسم, والسبب ماشاء الله كثرة مشاركاتكم وتفاعلكم في هذا المنتدى !!!!!
ولا ابالغ عليكم اذا قلت أن هذا المنتدى مهدد بالسقوط ( أي بيجي يوم ما تلقون احد يكتب فيه وانا اول من بيتركه اذا استمر الوضع على قيدا )
والمشرف اتيكا جزاه الله خير ما قصر .... عجز وهو يكتب فيه ويحط مواضيع لكن والله شيء مخجل ويفشل . لانه ما يلقى احد معه ولو رد بشكر او حتى لو يقول انت غلطان في هذي المعلومه . واذا قلت لهم ليش ما تشاركون ؟ قالوا:
اما حنا عارفين امور الصيد ولا نحتاج نشارك في شيء فاهمينه ... ok انا معكم في انكم تعرفون بس ليش تمنعون من اللي يدخلون على المنتدى انهم يستفيدون من خبراتكم مثل ما تقولون.
والا قال انا منب راعي صيد .... طيب يأخي موهب لازم تفهم في الصيد او انك ترغبه لكن المهم انك تشارك ... مجرد شـــــــــــــــــــكر وثناء على الجهد المبذول . وعلى حسب علمي أن هاذي المنتديات جسم واحد لا يمكن أن يتجزاء او انه يقول انا احب القسم هذا والقسم الثاني ما احبه.
يعني انا ابتكلم عن نفسي........ مثلاً انا مالي في بعض المواضيع ولكن جلست فترة مطنش منتدى الصيد وصرت اشارك في جميع الاقسام كلها لكسب ودّ الاعضاء والمشرفين وتقريبهم لي وعلشان يكسر الحاجز بين الاقسام ولكن للاسف دون أي جدوى .
مع اني مستغرب أن اهل سدير اهل مكاشيت وبر وصيد.
فأرجو من الاعضاء والمشرفين انهم يشاركون في هذا الموضوع ويقدمون اقتراحاتهم .
ملاحظة : لا احد يقول لي حط وصلح دعاية في منتديات مختلفة , لان أي صاحب منتدى ما يحب احد ياخذ منه اعضائه ومشاركيه يعني ........ بيحذف الاعلان.
وعلى فكرة ترى احد من الاعضاء والمشرفين الا انا واتيكا حنا اللي مستمرين ( حرام والله منتدى كامل ما فيه الا اثنين.... صعبه شوي) والا الباقين يخلف الله.... يسجل اليوم .. عقبه ما عد نشوفه وبالنسبة لي انا لو تسألوني عن المنتدى انا بقول عن نفسي اني بديت امل واطفش من المنتدى لقلة التفاعل فيه, وبالنسبة لـ .... اتيــــــــــــــــكا وارجو انه يسمحلي اني اتكلم بالنيابة عنه أن الرجال نفس شعوري وانا ما قلت هالكلام عنه تخمين من عندي..... لا... انا ما قلته الا بعد ما جرى بيني وبينه كلام كثير وسؤالي له عن اوضاع المنتدى ....... وقال بالحرف الواحد ....." اسمحلي يا اتيكا اني انقل هالكلام عنك ".......( انا تعبت ومليت من المنتدى .... مافيه احد يحمس ويرد عليك ... انت ما تدري وشلون اتعب في كتابة الموضوع ولا حولك احد ) مع أن هذا الرجال يعلم الله انه يبذل جهود خيالية لدرجة انه يعتمد على مواقع اجنبية قوية اذا دعت الحاجة. ومعلومات موثقة ومدعمة بالصور يعني ........ معلومات موسوعية .
في رأيي انا انه مشرف متميز ومبدع .... على فكرة تراه ما عمري شفته ولا يدري عن الموضوع هذا اللهم بيني وبينه التلفون بس .... وارجو أن لا يزعل احد وكلكم على العين والراس وتراكم غالين.
وارجو أن كل واحد يدلي بدلوه ويعطينا المفيد ....... واتمنى أن اللي يرد على المشاركات اتيكــــــــا لانه ابخص مني في هذه الامور وهو المشرف واللي في الواجهه.
انا داري اني طولت عليكم بس ذنبي اني حريص على المنتدى...