ردي على قصيدة الشاعر سعد البطيان////

[عبدالعزيز الصعب]

بسم الله الرحمن الرحيم


يسرني ويسعدني ويشرفني ان اقوم بمجاراة الشاعر الكبير الفحل/سعد البطيان حفظه الله واطال بعمره..

وهذه قصيدة الشاعر سعد البطيان ...من شعراء الغاط المعروفين بجزالة شعرهم وهو غني عن التعريف.

(قصيدة الشاعر سعد)
..................

[COLOR="Purple"]

يالله يالمعبود رب الجلالا =
انت الوحيد و فارضن الحلالي

أنك تجيب الترف زين الدلالا =
أبو عيونن رمشها له ضلالي

ابو ثمانن بيضهن يتلالا =
و العنق عنق الريم برضن فلالي

حجابها كنه شبيه الهلالا =
و الريق طعمه مثل طعم الزلالي

لا قلت سير يالغضي قال لالا =
اخاف من هرجة خبيثن يلالي

في سنة المعبود يا ابن الحلالا =
نبعد عن المنقود درب الضلالي

أثامي من فعلك تراها جلالا =
و الحال من عقبك وطاها اعتلالي

يا لايمي عساك تورث كلالا =
و عساك في دنياك ناقص جلالي

و ختامها يالله رب الجلالا =
انك تحفظ الترف زين الدلالي

وسلامتكم[/COLOR]

!!!..............!!!...................!!!!


وهذا ردي على الشاعر/ سعد البطيان

.......................
ذكرتني محسن ومجنون لالا..
وسليت سيفك يبو زيد الهلالي


هذا الشعر ياخوي والا فلالا..
ياشاعرن غنا بروس العلالي


وانا سواتك قمت اغني علا لا..
للي درج ساقه بروس التلالي


غرون سبق واحتل قلبي احتلالا..
واذعنت له من قوة الاحتلالي


عليه خصرن مثل قوس الهلالا..
يصيبني لاشفت زوله ذلالي


حلو الشفايا نبع ريقه زلالا
مبروم ساق وطول ماهو جلالي


والله يلولا اهل القلوب الغلالا..
لاقف على سكت حبيبي ولالي


يالله تجنبنا طريق الظلالا..
وتمدنا من ضل عرشك ضلالي


في جاه وجهك والنبي ـوبلالا
وجاه الصحابه يالعزيز الجلالي
.........................
وسلامتكم

[قلم رصـــاص]

|| السـلام عليـكم ||

ماشاء الله تبارك الرحمن

صح لسانـك

والله يعطيك الف عافية على هذه القصيدة الجزلة

دئماً مبدع بقصائدك الرآئعة و المميزة

بـارك الله فيك أخي الكريم على هذه الأبيات المميزة و الجميلة

شكراً لك

[عبدالعزيز الصعب]

المشاركة الأصلية كتبت بواسطة قلم رصـــاص   || السـلام عليـكم || ماشاء الله تبارك الرحمن صح لسانـك والله يعطيك الف عافية على هذه القصيدة الجزلة دئماً مبدع بقصائدك الرآئعة و المميزة بـارك الله فيك أخي الكريم على هذه الأبيات المميزة و الجميلة شكراً لك

وعليكم السلام ورحمة الله وبركاته

تسلم اخوي قلم رصاص..صح بدنك ...جمال القصيده وتميزها لايكمن الابمروركم

الله يبارك فيك ويطول بعمرك

[أبو حمـد]

السلام عليكم ورحمة الله وبركاته ،،


ومساء الخير أخوي عبدالعزيز ،،


أبيات رائعة من رائع ،، وصح لسانك وعلا شانك يالجزل ،،



لك تحياتي ،،

[عبدالعزيز الصعب]

المشاركة الأصلية كتبت بواسطة حمد ولد أبو حمد   السلام عليكم ورحمة الله وبركاته ،، ومساء الخير أخوي عبدالعزيز ،، أبيات رائعة من رائع ،، وصح لسانك وعلا شانك يالجزل ،، لك تحياتي ،،

عليكم السلام ورحمة الله وبركاته

الله يمسيك بالنور والسرور


صح بدنك وهذا من طيبك اخوي حمد


لك شكري وتقديري

[ناصر بن فهاد]

صح الله لسانك على الرد الطيب

وصح الله لسان سعد البطيان


قصيدته

وتقبلو تحياتي


أخـــوكم نــاصــر بــن فــهــاد