الببغاء والغبي ..

King Sudeer · 05-03-2007, 05:34 PM

كان فيه واحد " على نياته " ..

جرّب يستثمر أمواله !

وكان عنده ببغاء يتكلم ..

لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! ..

راعيه ضاق صدره ... وقرر ياخذ الببغاء لمدرب الطيور علشان يعدّله ...

: يا مدرب الطيور .. شف لكـ صرفة مع هذا الببغاء .. كل ما شافني فشلني عند الناس " غبي ، غبي " ! أبيكـ تدربه زين

وتعدّل كلامه .. علشان يغيّر هالكلمات الي يرددها كل ما شافني

قال المدرب : ما عليكـ .. خلّه عندي كم يوم ..
ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء ..
: أنا مين ؟!
قال الببغاء : أنت صديق الغبي ! ..
وينزله المدرب في المويه الحاااره ثم يطلّعه .. ويسأله ...
: أنا مين ؟
قال : أنت صديق الغبي ..
وينزله في الموية مرة ثانية .. ثم يطلعه ..
: أنا مين ؟
.. وعلى هالحال .. حتى تربى الببغاء وتسنّع ..
أخيرا .. قال له المدرب ..
: أنا مين ؟!
قال الببغاء : أنت صديق أذكى واحد في العالم ..

ويوم جا راعي الببغاء .. قال المدرب : تفضل اسأله ...

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !

قال له راعيه : .. طيّب .. وإذا لعبت بفلوسي على كيفي ؟!

قال الببغاء : .. هذي فلوسكـ .. من عرق جبينكـ .. تسوي فيها اللي تبي ..

قال : طيّب .. إذا دخّلت فلوسي عند " هابتكو " ؟!

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..

: طيّب .. وإذا دخلت فلوسي عند " الجمعة " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا دخلت فلوسي عند " ابن حسن " ؟..

: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !

: طيّب .. وإذا دخلت فلوسي عند " العيد " ؟ ..

: عادي .. وزي ما يقولون " حشر مع الناس عيد " .. صحيح إنك أذكى واحد في العالم ..

: .. طيّب .. وإذا دخلت فلوسي في الأسهم ؟!

قال الببغاء : يا عمي هاااات الموية ! .. قايلّكـ هذا أغبى وأثور وأدبش واحد في العالم !!

منقوووول