مني كليجا ( مصور بالخطوات )

[أم فيصل]

حلى قهوه لذيذ وشكله مرتب ( كليجه بحجم صغير ) اليكم الخطوات :



جهزي المقادير التاليه : بيضتين - ثلاث ارباع بياله مويه - 3 ملاعق حليب بودره - ثلاث ارباع كاس سكر - ثلاث ارباع كاس زيت - ملعقة بكنج بودر كبيره - كاس دقيق بر - كاس ونص دقيق ابيض كما في الصوره





ضعي جميع المقادير في الخلاط ماعدا الدقبق والبكنج كما في الصوره





ضعي ملعقة البكنج على الدقيق وصبي الخليط على الدقيق ويتم العجن الى ان تصبح متماسكه مثل عجينة البسكويت انظري الصور التاليه










تكور العجينه كور صغار الين يخلص المقدار بعدين
ارصعي الكوره بيدك وسوي فيها نغزات بالشوكه وتعمل باقي الكور بنفس الطريقه الى ان ينتهي المقدار انظري الصوره






توضع في الفرن من تحت الين تتحمر بس انتبهي لا تحترق لانها تستوي بسرعه والمفروض انك تولعي الفرن قبل بوقت افضل في هذه الاثناء حضري الصوص حقها اللي هو :
بيالة سكر - بيالة مويه - ملعقتين زيت - 4 ملاعق عسل ملعقه كبيره قرفه
ضعيه في قدر كما في الصوره وضعيه على النار الين يذوب السكر ويتجانس الخليط وتغلي شوي







اول ماتخلص الكليجا اسقيها بالصوص وهي حاره كما في الصوره








ضعيها في الصحن اللي بتقدمين فيه وبالهنا والعافيه ولا تنسين تصلحين زمزمية قهوه واذا صارت كثيره تقدرين تحطينها في علبه بلاستيكيه للحفظ وتجلس ايام ماتخرب وبالهنا والعافيه ...






اختكم ام فيصل ...

[أم فيصل]

ماأ دري ليه الصووور كبيره كذا

مشكله الصراحه

شوفوا لها حل

[بسمة فرح]

ام فيصل الله يعطيك العافيه بس ليش كاتبه النك حقك ابو فيصل>>>>> سؤال ذكي


الله يعافيك صغري الصور ولا تكثرين الصور لان فيه شي ماله داعي ولا تصورين قراشيع مطبخك>>>>>> عااااااااااااااادي تمون اوكي

[أم فيصل]

البنت الدلوعه هلا بك في موضوعي وعادي موني وخذي راحتك

هذا حق ابو فيصل وانا اكتب باسمه موب لازم اشترك باسم جديد انا وياه واحد بس اي شي باكتبه انا بكتب ام فيصل تحت ومااتوقع اني ابطلع من هالقسم بحاول اني انعش هالقسم لاني احسه نايم شوي وعادة انا ماحب اكتب في المنتديات بس بشارك في سدير عشان تشوفون طبخ بنات سدير


وبالنسبه للصور مدري ليه طلعت كبيره رفعت ضغطي كل اللي سويته اني صورت الطبخه ونزلتها بس ليه طلعت كبيره مدري اذا تعرفين السبب علميني لاني بنزل طبخات ثانيه بالصور واذا طلعت كذا مشكله

والصور كثيره يختي ادلعكم ماتبون خلاص بحط صوره وحده بس واسهل لي بعد


ام فيصل

[أم فيصل]

ابي اعيد تحرير الموضوع اذا سمحتي يامشرفتنا لان الصور كبييييره

[عَندليب]

تسلمين والله ياأم فيصل

[أم أسامة]

تسلمين ياالغاليه وبنات سديرسنعات الله يبارك فيهن نتمنى المزيد

[أم فيصل]

تاج الوقار

شرفتيني بمرورك

ام اسامه

ابشري بالمزيد واتمنى الاستفاده للجميع



اختكم
ام فيصل

[حافية القدمين]

رووعة بسويهالاصار دورى بالقهوة

بس مو كثير بيضتين وماتطلع زفرت البيض

[أم فيصل]

المشاركة الأصلية كتبت بواسطة حافية القدمين   رووعة بسويهالاصار دورى بالقهوة بس مو كثير بيضتين وماتطلع زفرت البيض

لا ياقلبي مو كثير بيضتين ولا فيها زفره ولا شي والسبب
/ِ
ِِ/
ِ/
القرفه اللي بتسقين بها الكليجه خلاص بتقضي على اي زفره هذا اذا كان فيه زفره

فيه التشيز كيك الزبادي توني منزلته في المنتدى حلو بعد .. صح هو قديم بس حلو ومقاديره متوفره صلحيه في دورك بالقهوه

[حافية القدمين]

تسلمين على التعقيب يم فيصل نجرب شورك

[موون نجد]

يعطيك العافية على هالكليجا

مشكورة وماقصرتي

[أم فيصل]

بالعافيه على الجميع ..

[عبدالعزيز]

شاكر لك ام فيصل

[بنت الشيوخ]

حسبتها الكليجا حقتنا حقت القصمان

اثر كليجا سدير كذا صغيرات هع هع

يا ملا العافيه يا ام فيصل

فمان الله
وبس خلاص