صور لأمطار 1416هـ (أزمة مخرج 13) في الريــاض ... للذكريات‎

شعيب سدير · 13-04-2009, 10:03 PM

السلام عليكم ..

بعد أن من الله علينا بنعم الامطار الجميع تذكر أمطار عام 1416هـ وما حصل من خالات الغرق "غرق المخارج" ـ

وفي هذا الموضوع نحب أن نذكر الناس بشكر الله عز وجل على مامن علينا من الامطار والبركات ونسأله أن يزيدنا بكرمه

ونشكر حكومتنا على ما بذلته وما تبذله في سبيل تطوير المنشآت ومنها الطرق وتصريف السيول بها

أترككم في غياهب الذكريات مع الصور

(من زمان كنا نقول للي ماسك الكاميرا ويوثق والله ياهو فاضي، لكن الحين نقول الله يعطيه العافيه يذكرنا بالماضي)

مخرج 13

تشوفون مستوى الماء مع الوايتات والشاحنات

احسن شي ان الواحد يلقح نخل الدائري وهو يسبح << كلن على همه سرا خخخخ

ههههههه هنا راعي السيدريك والكراسيدا يقولون النحشه النحشه

,,,,,,,,,,,,,

وهذي صور كوبري خريص مع انكاس

يالله شوفوا مستوى المويه !!

يذكرنا بنفق السويدي ..

لا تفوتكم الدعاية على اليمين (موني موني نايس) ههههههههههه

تحيــاتي للكل ..

المكيظم · 13-04-2009, 10:23 PM

وعليكم السلام

ذكريات فعلاً

ونشكر حكومتنا على ما بذلته وما تبذله في سبيل تطوير المنشآت ومنها الطرق وتصريف السيول بها ( كلام سليم لايشق له غبار ) !!

المهم الشكر لك أخي على النقل وبس .

ولك من ( المكيظم ) تحية عطرة .

هدوءٌ مبهم! · 13-04-2009, 10:32 PM

وعليكم السلام ورحمة الله وبركاته ،،

يالله!

ذكرتني بأيام الإبتدائي أخوي شعيب سدير والله ماأنساها أتذكر على الدائري نفس الشئ والظاهر نفس السنة إن كاني مانيب واهم،
المهم علقنا به حول الثلاث ساعات!!!

والحمدلله على فضل الله بس الصورة الأولى ومستوى المياه أكيد فيه سيارات صغيرة مغطيها الماء!

ألف شكر أخي على الصور القديمة

**سعود الخليل** · 13-04-2009, 11:00 PM

الله المستعان !!!

وين طلعت ذا الصور منه يا شعيب ؟!

ذكرتني ذيك الأيام كنا في الجامعه ومن اللقافة طلعنا نسيّل على بالنا في سدير وتوهقنا ما قدرنا نرجع للجامعه الا بالغثا ومطامر الأرصفه ..!!

محمد بن سعود · 14-04-2009, 08:39 PM

مشكور
لكن توني صغير مأدري فيه سيول وإلا فيه جفاف
لكن أخبر فيه سنة يذكرونه في المجالس وهي 1418 هـ

مشكور والله يجيب الخير اللي ينفع البلاد

(المهيزع) · 14-04-2009, 09:00 PM

سبحان الله
شـكــ وبارك الله فيك ـــرا لك ... لك مني أجمل تحية .

**عبدالله الفـارس** · 14-04-2009, 09:53 PM

الله المستعان قبل 14 سنة !! أذكر أيضاً كأني مو غلطان عام 1418 هـ
البرد الي جاء عالرياض و شوه واجهات المنازل و دمر السيارات !

أشكرك شعيب

موضوع أثري

عبدالكريم الوكيل · 14-04-2009, 10:09 PM

الله الله وش ذا أخوي شعيب

رجعتنا زمان مضى

بس خل عنك صور جميلة ورائعة

الشكر لك على نقل الصور الرائعة

لا تحرمنا من جديدك

تقبل مرروي

لك مني تحية ,,,

عبدالله بن عبدالعزيز · 15-04-2009, 06:15 AM

ياساتر اخوي شعيب

والله انك قديم

صور مسابح ماهيب شوارع ... خخخخخخخ

الرياض ؟؟؟؟؟؟؟؟؟؟؟

زين اللي اهتموا وزينوا بعض الشوارع علن بعض الدوائري الى الحين تغرق اذا جاء السيل

اخوي شعيب تسلم على موضوعك الجميل ..