تعال وشوف احدث طريقة للصيد

[أبو عبد الله]

مين فيكم يا شباب سمع الصيد بالرديحه ؟
اكيد فيه ناس يسئلون ايش معنى الرديحة؟
ممكن فيه بعضكم يعرفها لكن باقولها عاد استحملوني شوي
انا باوصفها لكم وطريقة الصيد فيها تراها مرررررررررررره مريحه جدا
الرديحة هي حصاه مسطحه تشبه الكتاب او صحن الكبسة وهي تستخدم في صيد القماري والحجل والغطاط والقطا في اوقات الحر الشديد
طريقة استخدامها :
اولا تجيب هالصفيحه ( الحصاه ) وتحطها في الأماكن اللي فيها كانت مرحان غنم أو عند البرك والمستنقعات التي تجي الطيور تشرب منها او الاماكن اللي تتكاثر عندها الطيور وتوقف الحصاه وتحطلها عود صغير بحيث انه لو احد حرك العود ولو حركة بسيطة تتطيح الحصاه او الصفيحة وتحط بعض العشير أو الذرة أو اي نوع من انواع الحبوب ويحبذ الدخن المحموس لان له رائحه جذابه للطيور وتحطها زي ما قلنا وتروح البيت طبعا الطير يجي يبي الأكل وياكل ويشبع خاصة ان المكان فيه ضل لها ومع حركتة الكثيرة بيحرك العود وتطيح عليه الحصاه وتردج عليه وعلى اللي معه لين تجي انت وتشيلها عنه بس احرص اذا جيت بتشيلها لا يطير صيدك

تعال وقت العصرية او قبل صلاة العصر وتعال شوف

















ما تحصل ولا طير

لا امزح بس الله يعينكم على توزيع هالرديحات على اماكن كثيرة حتى تحصل شي ان شاء الله ويرزقنا الله ويرزق الجميع بس عاد اذا فيه هوا تعال شوف الردياحات كلها طايحه
اتمنى اني اكون افدتكم بهالطريقة



وتقبلوا تحياتي ابو عبد الله من الساحل الغربي

[أبو عبد الله]

بس المعذرة يا شباب ترى موضوع صغير
وان شاء الله المواضيع الجاية تكون ازين

[المولع]

يا خي هالحصاه لمنها طاحت على الطير من الممكن انها تذبحه و بهالطريقه يصير الطير (( حرج )) يعني ما استفدت منه ... والا وش رايك يا ابو عبدالله ....

[أبو عبد الله]

لا وانا اخوك هي تردج عليه فقط وجربها وشوف وما راح يموت بأذن الله وبعدين يا اخي سمي على الحصاه اذا حطيتها

[مفتون صيد]

هلا ابو عبدالله ...
اما الطريقه صراحه غريبه علينا .....بس ودي اسئل الحصاة كم وزنها تقريباً ..... اذا كان ثقيله عز الله الطيور راحت تميس

على فكره ابو عبدالله ترى الموضوع كل ما كان قصير وفيه الزبده يكون احلى والموضوع على القيمه المعلوماتيه اللي فيه ;)

تقبل تحيات اخوك ابو عبدالله .....سميك

[محمد الاخوان]

السلام عليكم ياشباااااب


نفس سؤال مفتون صيد وش ثقل الحصاة اخاف تصير تقيله وعز الله راحة الطيور علينا

[أبو عبد الله]

مشكور أخوي مفتون صيد( يا سمي عز الله اني اتشرف بابو عبد الله ما دامك ابو عبد الله ) ومشكور أخوي محمد الأخوان على الردود وترى تفاعلكم مع الموضوع يعني أن الموضوع لاباس به
أما بخصوص وزن الحصاه هي يعود على حجم الطير بحيث يكون اذا كبر الطير زاد وزنها عشان تبرك عليه لين يجيه الصياد بس ما تكون من الكبار يعني مساحتها ما تتعدى 20 سم في 20 سم ووزنها يعني اللي يشلها الطفل اللي عمره خمس سنوات بنوع من السهوله يعني ما بين كيلو و2 كيلوما تزيد فمثلا القمري له حصاه معينه اما الحجل فلها وزن اكبر وهاكذا يعني ببساطه حسب حجم الطير اللي تبي تصيده مرتين أو ثلاث مرات

وان شاء الله اني اكون اجبتكم على السوال

يا سمي ترى هذه الطريقة يستخدمها اجدادي من قبل أن تصلهم البنادق ويستخدمها اللي ما معه بندق عشان ياكلون وفي اغلب الاحيان يستنون عند الرديحه ( الحصاه ) لين تلفي الطيور ويمسكونها من بدري ويفطرون او يتغدون عليها