ام تتمنى ان تكون خادمة لولدها

[متفائل]

قصيدة مؤثره

*يـا ليتنـي خدامـة بيـن اياديـك .. من شان اشوفك كل يوم برضايـا*

(ماعاش من يخليك خادمة يا يمه)

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) والبيت أعلاه يبكي حتى القلب القاسي

اترككم مع القصيده

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(حسبي الله ونعم الوكيــــــــــــــل)
الله يكون فعونها آميــــــــــــــــن

[( عابرة سبيل )]

/

\
حسبي الله ونعمـ الوكيلـ....

لهذه الرائعهـ

وقفهـ"واي وقفه"

باذن اللهـ" لي عودهـ"


/

\

[عبدالعزيز]

حسبنا الله ونعم الوكيل

كيف يتجرئوا !!!

شاكر لك متفائل

[( عابرة سبيل )]

ابياتـ يعتصر ..عليها القلبـ

وحسرهـ... من زمنـ غدار

قصيده محزنهـ"بكلـ الـمعاني "

لقد وجدتـ الاساء ..والالم... والدموع"

في مأساة أم .... تريد رؤية ابن عاقـ

حسبي الله ونعمـ الوكيلـ

" اين المرؤه ..والرحمهـ"

/
\

اخي...الكريم...."المتفـــــائــــــــــل"

نقلٌـ أجملـ من كل جميلـ

أدام الله حروفكـ

وسطوركـ

تحية..الطيبهـ

هنا....اختكـ....دمعة ألم
/
\

[ابو هاجر]

الله المستعان


أستوقفني هذا البيت ..

المشاركة الأصلية كتبت بواسطة متفائل   تذكر حياتي يـوم اشيلـك واداريك . . والاعبـك دايـم وتمشـي ورايـا

أسال الله أن يرزقنا بر والدينا وصلاح ذرياتنا ..

بوركت أخي متفائل