[c]بما أنكم تسولفون في المقناص وتحبون القصيد
لذلك حبيت أني أمتعكم بهذة الأبيات المعبرة عما يوجد في داخل هذة الصورة [/c]
[c]
[/c]
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
شاهدت بالصورة اثنيناً قوانيص = مع اربعة مابين جيب وسلوقي
مقناصهم في غير وقت المقانيص = يوم ان كلاً للمقانص شفوقي
واليوم قيض ولابه للصيد ترخيص = من اليوم حتى نشوف ضوء البروقي
ويجيء الربيع وتستكن القواريص = والجو يصف لمطلقات السبوقي
زين مقبل العنزي ـ بريدة
ما حلى المكشات في ارض خليه = خالية ما تشوف فيها مزعجيني
عزبتك متكاملة والنار حيه = والرفاقه كلبوهم طيبيني
الدلال مبهرة بالشاذلية = والسوالف من يسار ومن يميني
ذي مناة النفس في صبح وعشية = والسلام اختامها يا سامعيني
يوسف بن منور الميموني ـ الرياض
إذا نويت القنص اركب على جيب = وخذ السلق والطير كمل زهابك
ورتب اغراضك كلها فوق ترتيب = وشيك على الموتر وحسب حسابك
واثنين من ربعك رجال المواجيب = من هم دواء جرحك وبلسم صوابك
اهل المراجل بالفعل كلهم طيب = تسلى بهم نفسك وتطرب شبابك
علي غنام الغنام ـ رياض الخبراء
يامحلا المكشات والجو به غيم = سحايب من والي العرش مركوم
في وسط مفلاً للأرانب مع الريم = والعشب متنوع خزاما وقيصوم
ينزاح همك لو على الفكر تعتيم = لاصرت مع ربع مقدر ومحشوم
فمني لكن اكبر تحيه وتسليم = يلي على الشاصي مكاشيت وقروم
خالد بن ناصر المخيمير ـ روضة سدير
يما حلا حزة المقناص = بأرض خلا مابها جره
مداجها للأثر قصاص = والصيد فيها ما احد ضره
موترك جيب مديله شاص = ماهمه العرق وانمره
فهيد عتيق المطيري ـ الأرطاوية
ياهل المقناص يالي من تعبكم واقفين = نزلوا العزبه وشبوا النار وارك ادلالها
حي منهو على المناهج دوماً راحلين = والخزز والخرب هي منوت لرجالها
عشقها قطع الفيافي وسجات السنين = في خلا خالي نفوده يحف ارمالها
تتبع الجره ولاصفت تدل العارفين = والسلق حاف القشع والطريده طالها
هادي الصابري القحطاني
يا والله اللي وقف الجيب واحتار = والكل منهم بس سواق طاره
حاول يشغل لاكن السلف مادار = عقب وقوفه وارتفاع الحرارة
يومنه يمشي كن راعيه طيار = قام يتركز خلف شده اغباره
شد البلد ماغير وفيه مسمار = يمدحه مدح وصار مدحه دماره
غنام مسعود القريني ـ نعام
ياليتني معكم على الجيب قناص = وموسعن صدري بحوف المعاميل
مالي محل بس اركبوني على الشاص = ارتاح لامنه مشئ ويتمايل
في ديرة نبته خزامى وقرقاص = وريح النفل اليا سقنه ا لهماليل
هاجس ـ الرياض
وش علام الجيب او شد وحنيه = خابرن راعيه كساب الغنايم
لاضرب له صحصحن فارض خليه = ماتبين الا الشوارب والعمايم
لا التفت تقول ياوالله القضية = والسلق حوله امبطحت القوايم
غنام مسعود القريني ـ نعام
على دبرة كريم الوجه سبحانه عظيم الشأن = يدبرنا على حسن العمل نسأل اخلاصه
بعدها للرجل سج النفس في قاعة الريضان = بعدة كامله للصيد يحملها على شاصه
مع خطوى النشاما اللي لهم فالطيب فعل بان = نسوج الرجل شرق وغرب للصيدات قناصه
هذا والله ربيع القلب وامنا الخاطر الولهان = وخاطي وجبة بر وسمن وتمرة اخلاصه
ناصر عبدالله ال مطر العنابس
يامحلا المقناص بارض خلية = في ديرة ماطبها كل دواج
قفر خلا وسحقه مهمهية = نمشي بريعانة ومع كل مسهاج
مع ربعة وامرافقتهم هنية = اجواد مافيهم رديين واسماج
مقناصنا في كل شعب وشغية = نرجي من الله واسع الرزق وافراج
ابرهيم البرادي التميمي
هذا القلب صوره فظيعه = في مهمهن شاسع يلوقي
طبع البدو حب الطبيعة = اهدي لهم حبي وشوقي
في نجدة العاني سريعه = ناس اهل شيمة وذوقي
ياحظهم عند الوقيعي = كلن معه واحد سلوقي
علي الزولاني
ياربعنا كل شي زان = واقول ياماحلا المجلاس
شبوا على النار الشجعان = ودنوا لنا النجر والمحماس
وحطوا لنا القنص بالقدحان = في جلسة كلها نوماس
نبا السوالف عن العربان = اللي الوفا طبعهم ياناس
محمد بن عبدالعزيز الخنيفر ـ أشيقر
ياللي تحبون القنص والمقانيص = هيضت المشتاق بحب الصحاري
مير الأرانب وين بس جرة النيص = وللقنفذ ابو شوك لاجاك ساري
لكن حطوا القرص وايدامه التيس = وابعد عن الكبسات ورز البخاري
شجعان سعود المقاطي ـ الرياض
يا محلا المنهاج وقت المغابيش = في ظهر جيب يعجبك بانتعاشه
فوقه عيال كلبوهم مداغيش = والكل منهم علمه الذرب حاشه
عطه البراري وطنش القار تطنيش = يرتاح فكر كثرة العمس داشه
شنار عامر الشكره ـ الأفلاج
[/poet]
وتقبلوا التحيه
20-06-2003, 09:41 AM
;) . 
العرض العادي
