يابو بدر خذ علومي كاش *** الزّين صد وتعدّاني

[سعد العازمي]

امل ان تحوز على رضاكم

[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يبوبدر خذ علومي كاش=الزّين صد وتعدّاني
خلّن بياضه يفوق الشّاش=ماله شبيهن بالاكواني
وجيته على غفلتن وانحاش=من شوفتي صار طفشاني
يركض تقل صايبه اخراش=مدري علامه تناساني
امنوّلن لاتركته هاش=يقول وشفيك زعلاني
معاد باقي وراه اعراش=يكفيني اللي بعد جاني
منهو جبن بالهوا ماعاش=يجيه ذلّن وحقراني
منيب انا مرافقن بكّاش=لاطاب كيفه ترضّاني
ماني ضعيفن وعلمي ماش=اروح للي تناساني
مدوّره لودخلت انعاش=مدام صد وتحداني[/poem]

وسلا متكم

[أبو حمـد]

السلام عليكم ورحمة الله وبركاته ،،


الشاعر سعد العازمي ،، مساك الله بالخير ،،


هكذا هم الشعراء الكبار ،، ينتاب المرء شعور طاغي بالمتعه عند قراءة قصائدهم ،،


والله يعطيك العافيه أخوي أبو بطيان ،، لهذا الإبداع المتواصل ،، ولباذخة الجمال العذبة هذه ،، وصح الله لسانك ،، ولاهان بيانك ،،


فائق تقديري لك ولنظمك الجميل ،،

[البيرق الازرق]

[align=center]
ماشاء الله شعر اكثر من رائع


بالتوفيق ان شاء الله

معاد باقـي وراه اعـراش

يكفيني اللي بعـد جانـي

حقيقة هالبيت هو الي اعجبني

بالتوفيق

اخوكـ : البيرق الازرق

[/align]

[اسيرة الصمت]

امنوّلـن لاتركتـه هـاش

يقـول وشفيـك زعلانـي

هذا حال الدنيا

مافيها خير

رااااااااااااائعه من روائعك شكرا للابداع

[أبوإبراهيم الشويعر]

الشاعر القدير
سعد العازمي
كم يطربني نظمك ويعجبني أسلوبك وسلاسة لفظك وسموفكرك ...
رفع ربي قدرك وأسكنك الفردوس الأعلى من الجنة .

[سعد العازمي]

المشاركة الأصلية كتبت بواسطة حمد ولد أبو حمد   السلام عليكم ورحمة الله وبركاته ،، الشاعر سعد العازمي ،، مساك الله بالخير ،، هكذا هم الشعراء الكبار ،، ينتاب المرء شعور طاغي بالمتعه عند قراءة قصائدهم ،، والله يعطيك العافيه أخوي أبو بطيان ،، لهذا الإبداع المتواصل ،، ولباذخة الجمال العذبة هذه ،، وصح الله لسانك ،، ولاهان بيانك ،، فائق تقديري لك ولنظمك الجميل ،،

هلا بخوي القدير حمد
لاهنت وصح بدنك وشاكر لك
تعليقك الكريم وهذا من طيبك
وطيب معدنك لاخليت منك وتقبل
تحيات وتقدير اخوك

[راعي الروضة]

الشاعر .. سعد العازمي


بيض الله وجهك على هالنص العذب
صح لسانك وعلا شانق

نص جزل من راس جزل

دمت وداااااااامت روعة طرحك

وتقبل مودتي


أخـــــــــــوك

[عبدالعزيز الصعب]

صح الله لسااااااااااااااانك يابو بطيان

شاعر الجيلين بيض الله وجهك على هالجزلة

لكن حيرتنا ماندري من انت موجهها له.لي والا لابن فهاد..لكن اشوف اخوي ناصر ماقصر رد عليها ..وانا ابرد عليها والله يعينك علينا.


تقبل مروري وتحياتي