[ معلّمات المدآرس الحكوميه ] .. إلى متى ؟

[مرآم]

مسآئكمْ سعآده ..
حبيت آليوم أطرح موضوع نِقاش عن معلّمات الحكوميهْ
إلى متى ي معلمآت ؟؟

أسَلوب مآفيه , شرح آلله انّه , تعامل الطالبه وكأنها بهيمه عندها !
إلى متى تجريح الطآلبآت وسبّهم ؟

بـ اختصآر تجي تدآوم عشان تآخذ الرآتب كآآمل !
وين الوسآئل التعليميه اللي يقولون عنها ؟؟

حصص النشآط وش الفايده تجيك الاستآذه معها كآس شآي او نعناع
ويلآ ي بنآت أكتبوآ نصآئح الكلمه الطيبه , آلحوآر , ألـ ..... الخ

إلى متى ؟

وكلّش إذآ جآبت الطالبه شيبس او مشروب غآزي !
تجيك المعلّمه فآآزعه وتآخذه منها وفالزبآله وتعهّد
يقآلك آلحين أنها أدّبت البنت !
وين ألأسلوب ؟
إذآ أستمروآ المعلمات كيذا وكل ماشآفوآ شي مع طآلبه ذبّوه بالزبآله
رآح تعآند البنت زيآده وكل يُوم بتجييب !
يعني المفروض تمسك البنت على جنب وبأحترآم تكلّمها وتقول أضرآره وبكيذآ مآرآح يكون لآ عنآد ولا شي !!

ولآ كلّش كوم ولمّا يقولونْ لك / الجزمه " آلله يكرمكم " اللون كيذآ ممنوع والطوق اللي فيه ورده او فيونكه ممنوع !
واللي تلبس جآكيت لونه فوشي او فسفوري ممنوع !
و حلق فسسسسفوري ممنوع و ... الخ

ولآ إذآ جيتوآ تروحون للحمآم " آلله يكرمكم " تقول لك : ممنوع !
باللهي ليش الحمام " الله يكرمكم " دآمه ممنوع ؟؟

إلى متىْ ؟


موضوع أتمنى التفآعل معه .
بـ | قلمي

[عذبة الصفات]

والله انك صادقه في كثيييير من هالمعلمات
وسبحان الله كل الي قلتيه انا شايفته ومار علي ايام المتوسط والثانوي
ولاتنسين التطنز والسخريه والله اذكر موقف مستحيييييييييييل انساه
كنت في الثانوي وصافه طوابير قدام مرت طالبه بريئه وكانت لابسه جزمه وانت بكرامه لون فوشي وتناديها المديره لاحظي المدييره
والطالبه المسكينه مانتبهت ولما التفتت الطالبه عليها قالت المعلمه انتي يام وجه منقط صفي مع المخالفات شفتي وقاحتها قالت وجه منقط لان الطالبه مسكينه كان في وجهها حبوب وجلسوا بعض البنات يضحكون ع الطالبه انا خلااااااااص رحمتها
أسَلوب مآفيه , شرح آلله انّه , تعامل الطالبه وكأنها بهيمه عندها !
إلى متى تجريح الطآلبآت وسبّهم ؟

فعلا في بعض المعلمات يشرحون اي كلام والله اذكر معلمه الكيمياء اذا سالناها عن بعض المعادلات او اذا قلنا لها عيدي مافهمنا تقول لنا انتم بقر !!
بـ اختصآر تجي تدآوم عشان تآخذ الرآتب كآآمل !
وين الوسآئل التعليميه اللي يقولون عنها ؟؟

اما وسائل كثري منها كثر الله خيرها لو جابت لوحه مكتوب عليها الايات او الاحاديث الي بتشرحها
حصص النشآط وش الفايده تجيك الاستآذه معها كآس شآي او نعناع
ويلآ ي بنآت أكتبوآ نصآئح الكلمه الطيبه , آلحوآر , ألـ ..... الخ
ياكثرهم هالاشكال
ولآ إذآ جيتوآ تروحون للحمآم " آلله يكرمكم " تقول لك : ممنوع !
باللهي ليش الحمام " الله يكرمكم " دآمه ممنوع ؟؟

في هذي بالذات انا مالوم المعلمه لو رفضت لان في طالبات لعابات
تروح الحمام بس عشان تطلع وتفرفر في الاسياب ولاتفتح الابواب على الفصول الثانيه

طبعا مو كل المعلمات كذا لان اكيد في فئه فيها الخير والبركه
والله اذكر معلمه الجغرافيا ايام الثانوي الله يذكرها بالخير كانت تشرح بذمه واتقان وتجيب صور ووسائل يعني مثلا كانت درسنا عن دوله
تجيب لنا معلومات خارجيه عن هالدوله وتجيب صور عنها واحيانا تجيب العمله النقديه الي يتعاملون بها واذا سالتها اي طالبه تفرح وعادي تعيد الشرح لو عشر مرات
والله لما كنت في الجامعه في فتره التطبيق كنت ادق عليها واخذ منها بعض النصائح لاني كنت خايفه من التطبيق والشرح قدام الطابات وكانت تقول لي اذا دخلت المشرفه عليك حطي كرسيها يمينك او يسارك واعتبريها مو موجودهولاتخلينها تجلس ورى قدامك عشان ماترتبكين وفعلا سويت الي قالته والحمدالله ابدعت في الشرح واخذت في الاخير امتياز وكله بفضل الله ثم نصائحها لي ولحد الان متواصله معها ومستحييييييييل انساها

لو كل معلمه حطت في بالها حديث الرسول عليه الصلاه والسلام((ان الله يحب اذا عمل احدكم عملا ان يتقنه))كان مانلقى هذة الفئه في مدارسنا كل معلمه وذمتها

اعتذر على الاطاله
وفق الله الجميع..

[سـ ع ـود]

عندنا وعندكم خير

الله يسهل علينا ونتخرج ,,

يعطيك العافية

[تراتيل الصباح]

معليش يااختي العزيزه !
لا تعممين هالشيء على كللل المدارس الحكوميه
انا ولله الحمد مدرستي حكوميه ، تعامل مافيه احسن منه .
صدق ان بعض المعلمات عصبيات الا انهم ما يتعدون حدود الأدب بتاتاً
حتى لو كانت البنت غلطآنه .
يمكن تقولين ان مدرستنا شوي " متفتحه " .
لكن تبقى مدرسه رائعه . حتى قبل كنت بمدرسه أهليه وانتقلت لمدرسه حكوميه مالاحظت اي فااارق الا بإعطاء الدرجات
يعني المدرسه الاهليه يكبون عليك الدرجات كب موووب صاحي . بعكس المدرسه الحكوميه .
ماعلينا من هالكلام !
بس مدرستكم فيها شيء عجيب حيث اني ماارى هالشي في مدرستي ولله الحمد وش قصة مدرستكم !
والله شيء عجيب !
ربي يعينكم

[ضياء الفجر]

طيب نسمع من الجهه الثانيه :
انا طالبة على قد حالي ..
يألمني لما أشوف طالبات بكامل الزينه وجزم ألوان وجاكيتات ألوان ،
ودي بهذا .. أنا مو بمقتدرة على هذا ..
مدرستك أرضتني لأنها تحاول تخلي حالتي الظعيفه ما تبين امام الطالبات المقتدرات ،

الحمآم الله يكرمك ..
الطالبات "بعضهن" لعابات ، الحمام واتلا علامك بها ،
تطلع المدرسه وتصادقها تفنجل مع صديقاتها الي بعلمي!
حنّا يا مرام والله الي خليناهم يمنعون شي ما يمنع!
ماعلية ،

أتذكر معلمة كانت توصل فيها وتسب أم الطالبة .. أم الطالبة المحبوبة من قبل جميع الطالبات
هالشكليات قلّة صدقيني ، وأمثالها والله العظيم ما يتأدب معها الا عشان الدرجات ، حتى العلم يؤخذ منها بعدم قناعة ، احساس بنقص فيه ،


ولا يوجد شخص مجرد من الخير ،، والله .

[هدوءٌ مبهم!]

حياك الله أختي الكريمة ،،

أهلاً بكِ مجدداً هنا ونتمنى مشاركاتك في قادم الأيام بإذن الله ،،

بالنسبة لموضوعكِ فحقيقة لكِ الحق في إبداء وجهة نظركِ ولكن عتبي فقط على التعميم فليس الكل كذلك ،،

أما لماذكرتي في مقالكِ فللأسف هناك معلمين ومعلمات لايؤدون ما وكلوا به بشكلٍ تام حيث أنهم فرّطوا ففرطت الأمور مع ذلك ،،

وقد استوقفني رميهم لنعمة الله في سلة المهملات أجلكم الله!!

أين الخوف على النعمة؟ أم هذهـ إحدى التربيات التي تترباها الطالبة من معلمتها؟!

حقيقة إني لمصدوم أصلح الله الحال ،،

شكراً لكِ أختي ،،

[قطرات مطر]

حبيبتي مرام والله مو كل المعلمات بهالاسلوب
بقولك وانتي احكمي بمااني معلمة والمادة الي ادرسها ممتعة ولكن تحتاج الى بعض التركيز "رياضيات" تحسينهم مايبون اصلا الحصة يعني من أبدا إستاذة تكفين مانبي حصة الله يوفقك .. طيب نحل الواجب وبس الله يخلييييك .. وتخيلي انهم وصلو الى مرحلة يقولون لاتعطينا حصة ونقول انك عطيتينا شفتي كيف !! يعني المشكلة من الطالبات نفسهم كيف تعطينهم مادة علمية وهم ماعندهم استعداد نفسي يعني ماعليش الطالبة تجي عشان تاخذ المادة وتقيم عليها ياتجتاز يالا وهالشي يعتمد على تركيزها هي ووالله اننا نجيب وسائل بس مافيه الطالبة تحس بملللل دراسي ماعاد تبي .

بالنسبة للالوان بالعكس انا معك في هالشي واشوف بعض البنات ولا اقول لهم شي انا وبعض زميلاتي لان وبكل صراحة هم بنات ويحبون الزين والعين تعشق كل شيء جميل يعني هالشي احسه شخصي ويعكس مظهر الطالبة ويخليها تفتح النفس عالاقل للشرح ههههههه .

اما بالنسبة للمأكولات زي البطاطس وغيرها فهي من الممنوعات من قبل الصندوق المدرسي ويعتبر هالشي من الانظمة والعائد على مصلحتكم صحياً
يعني من خوفهم عليكم يمنعونكم وهم أيضاً محاسبين لو سمحو بهالشي فأعذريهم .


وعن انها تمنع الله يكرمكم الروحة لدورات المياه لانه ياقلبي بعضهم تستأذن بس عشان تطلع تروح وهذا وجه الضيف وين فلانه للحين مارجعت ندورها نلقاها رايحه لطالبة بفصل ثاني تسولف معها ولا في الساحة تمشى أنتي شرايك ؟؟ ننلام في هالشي ويبان عالبنت اذا هي لعابة ولا صادقة لاتلومينا من هالناحية و التعامل غير معمم .


وفي النهاية معك حق في المطالبة بالاسلوب و الكلام اللين والمحترم حتى وان كان نظامي مطلوب وشيء يعكس منظمة تعليمية تفيد ماتضر وترغب ماتنفر
<<< حبيبتي مرام ....انا حاسة فيك بس انشاء الله بكرة لاصرتي مدرسة بتشوفين وتعرفين وتعذرين .... اتمنى لك التوفيق يارب والله ينجحك انشاء الله وتحققين كل احلامك وطموحاتك وترا مو كل المدرسات بالصورة الي ذكرتيها لان كل شي فيه تفاوت حتى في مستوى الثقافات .


الله يحفظك