كيف تصبح مثقف في اسبوع‏ ( تعالو ياشباب وبنات سدير نعلمكم التثقف على اصولهـ )

[فزاع]

اتبع النقاط التالية وانضم لعالم المثقفين

1 - البس غترة وامحط الشهور كلها والشنب مهم جداً .

2 - اذا سألك أحد من تسمع له قل لفيروز وشاديه<< حتى لو انك ماتسمع الا لمزعل وسعد جمعة .



3 - اذا قالوا لك من شاعرك المفضل قل محمود درويش و ادونيس حتى <<لو انك ماتقرأ إلا لضيدان بن قضعان
وسعد بن جدلان .




4 - ابتعد عن المباشرة في الكلام واعمد الى " التفعيط " و " التمطيط " وبدل ماتقول "في البداية " قل : " بادئ ذي بدء " وبدل ماتقول "وهذا يدل على " قل : " وهذا إن دل فإنما يدل على " ... لاتقعد تقول صعبة ومشوار ومدري إيش
لازم تصبر وتتحمل ...ترى الثقافة مهيب سهلة !!!!..




5 - اذا كتبت مقالاً فلازم تطعمة ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية
والديماغوجية والميكافيلية " ولاهوب لازم تحطها وانت تكتب المقال لا... إذا قضى الامر أبد لزهن فيه كلمة منا وكلمة مناك الين يقضن "" إن ماكتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه الف
موسوعة ""؛ << انتبة تقول : "الرأسماليه والأشتراكيه والقوميه " ترى ذي الكلمات حقت مثقفين منول .. اما الحين ماعاد يوكلن عيش.




6 - كثر من الكلمات اللي تنتهي بـ"قراطيه" مثل : " الديمو قراطيه . البيروقراطيه . الأرستقراطيه . الأوتو قراطيه . التيوقراطيه ". واذا انزنقت "فخربط" لك اي كلمه واختمها بـ " قراطيه " مثل " الخنبقراطيه.والخربوقراطيه"؛ <<لا تخاف مافي احد يبي يسألك ويقول وش معنى ذا الكلمه عشان ماينكشف " جهله " ويدرون الناس انه مهوب مثقف


7 - خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .


8 - انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون الا بالميلادي ويفضل بعد انك اذا كتبت قصيده حداثيه تكتب الشهر كتابه مهوب رقم زي كذا " حزيران 2011 "<< والله اني عارف ان بعض الشباب يحسب حزيران اسم شعيب او وضيمة .

اما ذا الشهر حق مثقفين بقوه وينصح بعد انك تحط تحت التاريخ اي عاصمه اوربيه " لندن , جنيف , باريس " حتى لو انك كاتب القصيده في شقراء والا التويم.




9 - اذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامه و الدهماء وانه معول من معاول هدم اللغه ولابد من اعلان الحرب عليه دون هواده !!!




10 - اذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..
وقل الحياه والشرق الاوسط والاقتصاديه << حتى لو انك مابعد شفتهن على الطبيعه ..بس لزوم الثقافه .



11 - اذا قال لك احد وش الاجواء اللي تجد فيها نفسك , لاتفضحنا وتقول اذا جلست مع اهلي والا اذا طلعت للبر والا اذا صرت اضبب !! لاياحبيبي , قل له انا تاسرني الليالي البيروتيه المقمره وخصوصا في فصل الخريف<< حتى لو انك ماتفرق بين الخريف و" المربعانيه ".




12 - حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين .

والان الف مبروك

اصبحة من كبار المثقفين

[غآليه]

يعطــيكـ العآفيه ..~

[شوكولاته]

مشكور على الموضوع الرائع^_^

[عزووز]

يعطيك العافيه ع الموضووع

[هيله]

ولله مارآآآح اكذب راح اقول الصدق

لانآ حبل الكذب قصير ~

ومشكور ومااقصرت ع هالموضوع الطيب .

[بدر ولد ابراهيم]

مشكور وما قصرت بس الثقافه مو في هالكلام او العبارات الي من الشرط انا نقوله زي ما ذكرت

اعيد واكرر مشكور ع الموضوع الجميل

[رنوووده]

ههههههههههههههههه

عجبتني الخنبو قراطيه وطقتها

لأنوو كلوو كلام خنبو قرااطي

عوااافي ع الموضووع الناايس

[فزاع]

المشاركة الأصلية كتبت بواسطة غآليه   يعطــيكـ العآفيه ..~

ياهلا فيكـ وخيهـ

سعدنا بمروركـ

تحيهـ طيبهـ " "

[فزاع]

المشاركة الأصلية كتبت بواسطة شوكولاته   مشكور على الموضوع الرائع^_^

ياهلا فيكـ وخيهـ

سعدنا بمروركـ

تحيهـ طيبهـ " "

[حُلُمٌ مُبَعْثَرْ]

اذا كتبت مقالاً فلازم تطعمة ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية
والديماغوجية والميكافيلية "
ههههههههههه
رؤؤؤؤؤعه
يعافيك ربك اخوي

[فزاع]

المشاركة الأصلية كتبت بواسطة عزووز   يعطيك العافيه ع الموضووع

ياهلا فيكـ اخي

سعدنا بمروركـ

تحيهـ طيبهـ " "

[فزاع]

المشاركة الأصلية كتبت بواسطة هيله   ولله مارآآآح اكذب راح اقول الصدق لانآ حبل الكذب قصير ~ ومشكور ومااقصرت ع هالموضوع الطيب .

ياهلا فيكـ وخيهـ

سعدنا بمروركـ

تحيهـ طيبهـ " "

[فزاع]

المشاركة الأصلية كتبت بواسطة بدر ولد ابراهيم   مشكور وما قصرت بس الثقافه مو في هالكلام او العبارات الي من الشرط انا نقوله زي ما ذكرت اعيد واكرر مشكور ع الموضوع الجميل

ياهلا فيكـ اخي

اتوقع انك من مثقفينا ههههه

ولا تنسا انا في استراحة المنتدى

يعني الكلام الجد في المنتدى العام وغيرهـ

لكن الاستراحه للترويح والفله يامثقفجي

سعدنا بمروركـ

تحيهـ طيبهـ " "

[فزاع]

المشاركة الأصلية كتبت بواسطة رنوووده   ههههههههههههههههه عجبتني الخنبو قراطيه وطقتها لأنوو كلوو كلام خنبو قرااطي عوااافي ع الموضووع الناايس

ياهلا فيكـ وخيهـ

ضحكهـ دايمهـ

سعدنا بمروركـ

تحيهـ طيبهـ " "

[ھمڛ القلۈب »♥«]

التثقف مو بالكذب !!