فنون لا يتقنها الا الشعب السعودي

[همايل]

الســـــــــــــــــــــلام عليكم ورحمة الله وبركاته


هذي فنون لايتقنها الاالشعب السعودي



(اللقـــــــــــــــــــــــــــــــــــــافه )



اللقافه ثقافه كما يقول الكثير > وانا مع هالعبارة آحيآناً


واللقافه هي عبارة عن شي مخفي داخل جسم الانسان لم يتوصل العلماء لااسمه حتى الانسان


يجعل الانسان في حالة تلهف وشفاحه لشيء يود سماعه من شخص اخر


والله يافي ناس اللقافه عندهم تمشي ملييييووون
مثلاً تأخرت على ربعك بالاستراحه ولاماحضرتي عزيمه مارديتي على جوالك


تجي من بكرة
وراك ماجيتا . ؟ منهم هالناس ؟ كثيرين ولاواجدين ؟


وش عشيتوهم ؟ متى جوكم ؟ متى راحوا ؟ يقربون لكم ؟


وهكذأ من الاسئلة اللي لاتنتهي ..)


> طبعاً فيه اسئلة من اللي ذكرت نسألها بس موب كلها عاد










(التحطيــــــــــــــــــــــــــــــــــــم)


مقوله سمعتها ومدري هي صح ولا لا


يقولك مافيه شعب زي الشعب السعودي يتقن ميزة التحطيم


وهذي نقطه ايجابيه تحسب لنا ع الاقل تفوقنا في شي


والتحطيم فن يعتمد على زعزعة الثقه في نفس الشخص بكلمة تجعل الشخص يكره نفسه في بعض الاحيان


جاي مستانس شاري لك شي وبتتشقق من الوناسه به


يجيك رد كالصاروخ وععععععععع وش هالذوق المعفن


> حالتها تكره اللي شريت وودك تكسره وترزح به في جبهة اللي حطمك


شي اسمه مجامله ابدن مافيه الا من رحم ربي


شارية تنورة وكاشخه فيها تجيك وحده من خواتك


استغفر الله وش هالتنورة كانك زيديه فيها



لا وتحطيمات الشياب تجي غيييييييييير تحس تنطرم عقبها ماتدري وش تقول



ولاقاعد مع واحد تسولف معه بكل براءة تعلمه انك مثلاً شريت شي جديد وكذا فجأه يقول لك طيب وش اسوي لك ..؟؟>>اكرهها من قلبي


الشرهه ع اللي يسولف معك انت وراسك


ولا منجسم بالسالفه وتشرح فجأه واحد من المبزره اللي قاعدين معكم يقول


ماسمعتوا اخر خبر ؟ < يعني كأن مافيه واحد هنا قاعد يسولف > ساعتها ودك


تفقع وجهه باقوى ماتملك


حتى اطفالنا الاعزاء يتقنون هذا الفن


جآي واحد تبشره بشي تقول له خبر يقولك داري > الله يقطع اللي يجي يقول بعد
ولابتقول شي جديد يجيك الرد الاليم


> قدييييييييمه
آذكر دآيم هالموقف يصير لي مثلاُ يصبون عصير ولاشاهي ولاشي من هالقبيل


ويمدونه لي اقول لا لا والله مابي يقولون موب لك لفلانه > أليييييمه التحطيمه


مثل من عندي ~> التحطيم يدمر الصميم والعقل السليم > شدعوه مخدرات خخخ









(التســــــــــــــــــــــــــــــــــــــــــليك )




فن يعمد اليه احد المتحاوران بحيث ان جسمه يكون معك بس عقله موب لمك


> يعني يعطيك جوك بس مايدري وش تتكلم فيه
تسأله عن شي يقول هاه وشو وش تقول ؟ ... يقول لك توني قايلك كذا ماسمعت ...


قال معليش ماانتبهت >
اكبر مثال ع التسليك


ودايم تصير معنا مثلاً شفت واحد قلت من هذا يقولك فلان ولد فلان عرفته تقول ايه ايه > وانت اصلا ماعرفته بس


تسلك
ولاتشوفين وحده تقولين من بنته هذي تقولتس فلانه اخت فلانه بنت فلان عرفتيهم تقولين ايه ايه >تسلكين طبعاً ...


تكرر السؤال للتأكيد تقول هاه عرفتيهم


تقولين ايه ايه بنات فلان > وتعيدين نفس الاسم اللي قالته... يا


لابسه لبس جديد تورينه اختس ولاامتس ماتدرين الاهم يقولون لتس وع وش هالخلق ليه شاريته > طيب هماكم



تقلون في المحل زين ولاتسلكون لي ؟! > اكيد يابعدي يسلكونك



التسليك تسولف مع واحد مايبيك > حكم حكم




( الترقـــــــــــــــــــــــــــــــــيع)



هو عبارة عن كلمة تنطقها يعصب منها السامع


لكن سرعان ماتتدراك التعصيبه وتبدلها بكلمه ثانيه يتحول بعدها الغضب الى رضا


عآد الترقيع آعتبرهـ آنآ موهبه من الله لآن موب كل واحد يعرف يرقع ..


لان فيه الناس الله المستعان ترقيعهم على غير سنع او بالاحرى مايمشي على غيرهم


طبعاً ياكثر المواقف اللي انحط فيها تستلزم مني الترقيع واكثرهآ بالمدرسه ..


آذكر مرة كنت آكل علك عند معلمه ومعطيتها ظهري واسولف مع البنات


قالت تآكلين علك قلت هاه وشو لا لا بس ضرسي يوجعني > وفعلاً لحظتها كان ضرسي يوجعني > ومشت عليها





بس احس الشيبآن ماتمشي عليهم الترقيعه لو اقعد ارقع لين بكرة احس ابطي عظم يصدقوني


مرة تقولي مرت عمي ذاكري مابقى ع الاختبارات الا شهر قلت الله اكبر لو اني مصريه اذاكر


من الحين مادريت الا فيه مصريه جنبي قلت هاه اقصد


لواني وشو اذاكر من الحين لاحقه ع المذاكرة ومرت عمي تغمز وتنبز فيني قالت المصريه عادي عادي خذوا


راحتكم بترقعها مرت عمي قالت ترى هذا دليل


على ان المصاريا اذكيآء يذاكرون وكذا >و نعم الترقيعه




وهذي ترقعيتنا دايم لاتآخرنا عن الحصه الرابعه قلنا ماسمعنا جرس الفسحه دق > الا نسوي نفسنا مانسمعه


شعب رائع فعلاً يتقن فن الترقيع بآنوآعه


قلت كلمة وحسيت انها ماعجبت اللي حولك ~> الترقيع هو الحل السريع




هذي بعض الفنوون السعووديه

[ريح المسك]

ههههههههههههههه ,.,

صادقه .,.

مشكووره اختي .,.

[نوره عبدالله]

معكي حق كلامك صح
الله يعطيك العافيه

[هــلآلــي]

ههههه
صادقه اخرتها يوم اسبت رقعت للوكيل بس يالله وش اسوي له مابيه يعطيني تعهد ولحمد لله ماعطاني تعهد

[همايل]

شاكره لكم ردودكم وتوآجدكم

[عاشقة القصيم]

ههههههههههه
والله انك صادقه مانقدر نعيش بدون ذالفنون

يعطيك العافيه

[نجيييد]

ككككككككككككككككككككككككككككككككككككككككك
لاهنتي ياابعدي

[بـطـيـخـآآ]

ههههههههههههههههههههههههههههه
اللقـآفة : هذي فطرة فطر الله النـآس عليهـآ
أمـآآآ التحططططيم فهذي مشششكلة .. ي شششينهم ي أختي يررفعون ضغطك .. طيب حرآم عليكم أنـآ مستـآنسسه بشي سلكولي =)
والتسسليك أحيـآآنـآ حلوو إذآ صـآآر إمـآ تحطيم أو تسسليك ف التسسليك أحسسن
عـآد الترقيع صـآدقة موهبة مو بكل النـآس .. بعض النـآس بيكحلونهـآ ويعمونهـآ


يعططططيك العـآآآآآآآآآفية آدمنته ..

[همايل]

ههههههههه

يآحبيلك يابطيخخآ

شاكره لكم ردودكم نورتوني

[فشفآشهـ منحآشهـ]

من جد هههههههههههههههه

عوافي

[Bsmat 5jl]

ههههههههههههههه.~

والله انتس صااادزه في كل كلمه قلتيها ..

عواافي

[بنت سارة]

المشاركة الأصلية كتبت بواسطة   وهذي ترقعيتنا دايم لاتآخرنا عن الحصه الرابعه قلنا ماسمعنا جرس الفسحه دق

ههههههههههههههه مانسستغني

[هـ ـ ـ ـ ـ ـآوي]

من ناحية اللقافة......!!!

أقدر أقول ما في احد مثلنا.....!!!

[همايل]

شاكره لكم ردودكم وتواجدكم

[زهور]

اما التحطيم اكره شي عندي